Page 81 - KPA

Polisnan rabia tey atrobe pa trece e berdad di sindicato di
polis SPA

Tuesday, 06 June 2017 20:06
Comparti

Nos tin basta tempo sin duna reaccion algun pasobra na nos opinion esaki no tawata necesario. Nos
ultimo comunicado tawata bsta luna pasa, caminda cu nos a cuestiona e sindicato anterior bou di
maneho di e ex-president Gomes.

Motibo pa kico nos a keda keto, tawata pasobra nos tawata sa cu e dia lo jega cu su persona lo baha y lo
keda mira como e president di mas malo cu sindicato di polis a jega di conoce. Entretanto SPA a conoce
un directiva nobo. Tristo pa remarca si, cu ta apenas un 50 persona di e 400 miembro cu sindicato tin, a
haci uso di nan derecho di voto. Pues e desconfianza di parti e miembronan den nan sindicato, ta bisto.
Nos ta desea e president nobo, esta Edgar (EFA) Maduro y su team tur clase di exito pa e proximo dos
anja cu nan tin nan dilanti. Pero bayendo bek riba e motibo real pakico nos a bolbe sali padilanti, ta basa
riba e ultimo carta di despedida cu e ex-presidente a manda pa nos como miembronan di SPA. Un carta
caminda cu e ex-sindicalista fracasa ta yora, bisando cu nan a realisa varios trabou. Nos no sa si nan
realmente sa e nificado real di traha, pasobra e president por a haci tur otro cos, menos traha na
bienestar di su miembronan. E ponencia nan aki, por wordo sosteni, basa riba e presentielijsten di varios
reunion cu e sindacato a yama y e asistencia pober cu esaki tawata tin. Na varios ocacion e cantidad di
miembronan cu a asisti no a ni jega na 10 y hasta den un reunion, tawata tin solamente 1 miembro
presente. Ora cu nos lesa den e carta cu nan a traha sin metemento politico, nos ta saca afor cu e ex-
president aki ta un mentiroso tambe. Pasobra nos sa di e yamadanan telefonico y reunionnan scondi cu
su persona tawata tin cu varios miembronan di partido mep, cual por parti ta su pleno derecho, pero e
echo cu bo ta ganja si ta un problema serio. Banda di esaki nos por sostene e ponencia aki, cu e salida di e
ex-vice-voorzitter Solognier, kende a bisa cu e ta sali for di SPA netamente pasobra cu tin un agenda
scondi politicamente di parti di e ex-voorzitter esta sr. Gomes. Pero cos no ta keda te aki, pasobra na
momento cu e ex-voorzitter fracasa a dicidi di manda mas cu e mitar di e bestuur anterior cas, pasobra e
no ta confianan, su persona a bay enpugna cu e statuten di SPA. Kico e presidente fracasa aki a haci?
Segun reglamento, bo mester a yama un fecha nobo pa eligi un bestuur pa e sindicato bek, pero no. Su
persona a opta di keda sinta como sindicalista kibrando tur regla manera un dictador, a nombra riba
aanwijzing miembronan nobo (cual tambe ta contra reglamento pasobra un bestuurslid ta wordo
gekozen y no riba aclamacion) y pa e sconde tras di e kibramento di ley aki, a bay sala cu e propuesta pa
royeer e bestuur anterior sin cu tawata tin un onderzoek cu lo a determina culpabilidad di e miembronan
di e bestuur anterior. Asina aki sr. Gomes a cumpli cu su promesa haci na politicamente y a caba cu e
credibilidad di e sindicato cu tawata segun nos, esun di mas grandi na Aruba. Por ultimo, nos a
compronde cu tin un di tres accountants bureau cu ta haciendo un investigacion, pasobra e findings den
e prome dos kantoornan, no tawata na agrado di e ex-dictador fracasa y pesey cu e la recuri na un di tres.
Nos como miembro ta bay sinta vigila kico lo bay bira e proceso awor cu tin miembronan den e sindicato
nobo y atraves di e comunicado aki, nos di “POLISNAN RABIA”, kier a expresa nos mes treceidno nos
punto cla y raspa pa dilanti, pasobra ta malgastando placa na oficina nan di accountants, siendo cu
semper nan lo keda subraya e mesun cosnan. Adhunto nos ta manda e carta desagradabel di presidente
saliente.