Page 15 - KPA

Buskeda masal patras di KIA pa sospechosonan cu a tira cos
den cura di prison

Sunday, 20 March 2016 18:18
Tweet
Comparti

Keto rond di KIA tin figuranan cu mente criminal cu ta purba yega pa tira cos den e tereno di KIA.
Polisnan a wordo pidi pura diadomingo atardi pa presenta na KIA. A drenta informacion cu tin
movecionnan straño. Den toren e personal atento di CEA a bolbe mira cierto movecion straño y a bati
alarma mesora. Polisnan di San Nicolas tabata tey mesora y a cuminsa busca.
A bin topa cu un homber lomba sunu cu lo ta cuadra cu e descripcion duna. El a admiti di a pasa banda di
cira di KIA pasando e ruta pa bay cerca su wela banda di e ranchonan canto di lama. Polis a lage sigui su
caminda y a sigui cu buskeda pa otro sospechosonan. Mas despues e unidadnan di K-9 di KIA tambe a
yega na e sitio. A baha cu cacho pa asina haci un buskeda mas amplio. Ta wordo menciona cu lo a los tiro
tambe ora a mira e movecionnan straño pafor di KIA. Esaki no por a wordo confirma.