Page 18 - KPA
P. 18
Den Koningstraat a bati alarma pa homber arma cu a subi
balcon di bisiña
Sunday, 20 March 2016 10:26
Tweet
Comparti
Bisiñanan den Koningstraat a bati alarma. A drenta informacion cu tin un homber arma cu arma di
candela cu a drenta un cas.
Polisnan di Playa a yega mesora. Asina mes no a topa cu e persona arma. Bisiñanan a mustra Polis
grabacion di loke nan a bati alarma riba dje. Un homber cu flanel strepia, pechi cora y rugtas a logra subi
balcon di e cas di dos piso den Koningstraat. E tabata tin un arma den man. Parce el a drenta e cas via
balcon y despues sali bek. E bisiñanan tabata tin miedo cu algo por a wordo haci cu e persona den e cas.
Parce cu e habitante no tabata tey. No ta conoci si ta un ladron cu a bay purba horta. Polisnan a cuminsa
un buskeda mesora den e area pa e supuesto persona arma. No a topa cune tampoco.
