Page 29 - KPA

Polis a atende cu Swift Cora relaciona cu problema na San
Nicolas

Sunday, 20 March 2016 10:18
Comparti

Problema entre dos muher a pone cu Polis mester a actua. E prome informacion cu a drenta tabata
anochi.
Polisnan a wordo manda cu urgencia na Costa Riba Bar Restaurant pasobra tin un hende herida. Sea nan
a bente for di auto of el a bula for di auto. Ora cu Polis a yega na e sitio no a topa cu e auto y tampoco e
victima. Asina mes a haya informacion cu e auto a bandona e sitio. E lo tabata un Swift cora A-19034.
Unidadnan di Polis cu tabata den otro area tambe a cuminsa tira bista. Den Bernhardstraat a bin topa cu
e auto bayendo Playa. Mesora a bay su tras y ta duna señal pa para. A resulta cu ta dos hende muher cu lo
a pleita cu otro. Polis a mira e situacion y parce cu tur cos tabata trankil atrobe entre esnan den auto.
Polis a pidinan pa bay mas trankil y no tabata necesario pa actua. Ningun di dos tabata mustra di ta
herida.

http://www.24ora.com/local-mainmenu-5/106619-polis-a-atende-cu-swift-cora-relaciona-cu-problema-
na-san-nicolas