Page 32 - KPA
P. 32
Taxista ta agredi homber malamente na Valero Santa Cruz
Sunday, 20 March 2016 18:13
Tweet
Comparti
Merdia den careda di 1:25 central di Polis a manda patruya di pura na Valero Santa Cruz caminda lo
mester a sosode un pelea. Na yegada di patruya nan a bin topa un homber benta riba vloer y un homber
taxista fam Dubero cu lo tabata golpiando e persona riba vloer.
Mesora polis a drenta den accion pa asina detene e taxista y bay cune den dogcatcher y transporte pa
warda di Santa Cruz. E homber benta na vloer tabata kehando di dolor na su heup y na su pia. Polis a
manda pidi ambulance cu tambe na Valero Santa Cruz door cu e homber ta sclama di dolor. Ambulance a
presenta na e sitio pa Paramediconan duna e homber asistencia. E homber benta riba vloer a conta polis
cu e homber taxista a yega eynan y a cuminsa bati boca cune y diripente e homber taxista TX-140
coriendo Hyundai Santa Fe blanco a saca e yabi di los wheel di auto y core rond su tras. E kier a agredie
cu e yabi wheel. El a slip cay y sinti su heup masha hopi mes. Ora el a cay e taxista a keda dale cu scop
masha fuerte na su cabez. Awor na warda Polis lo atende cu e taxista pa mira riba e motibonan di su
comportacion y agresion.
