Page 38 - KPA

Varios Venezolano sospechoso y indocumenta gara den awa
y riba tera den e area di Klip

Sunday, 20 March 2016 18:05
Tweet
Comparti

Un grupo di Venezolano actuando masha straño a keda deteni diadomingo atardi den e area pabou di
Nikky Beach. Nan tabata actuando masha straño. Polis Maritimo durante patruya den lama a capta e
movecionnan y con nan tabata mishi cu boto di hende den e area.

Ora cu a bay busca drechi di nan tres a move rapidamente pero dos si a wordo gara. A resulta cu nan no
por a prueba nan legalidad riba nos isla. Polisnan riba Sea Doo a pidi pa patruya di caya manda
dogcatcher bin busca e dos hombernan indocumenta. Na mes momento a keda tira bista riba e otro
dosnan. Asina a logra señala un di tres den e area di Klip bayendo abou. Ora Polis a mire el a core pero
polisnan a bay su tras mesora. Un persecusion cu a dura mas cortico. A mande tera y asina pone na boei.
Esaki tambe a bay warda den dogcatcher. Despues a sigui tira bista y a drenta informacion cu den e area
di Biblioteca un di cuater tabata moviendo. Polisnan a core yega y despues di un buskeda cortico a topa
cune tambe. A detene mesora y bay cune warda di polis. Asina a logra coy cuater indocumenta moviendo
sospechoso. Warda Nos Costa lo tuma over y djey mira te con leu lo sigui cu e proceso di nan legalidad
riba nos isla. Un di nan a bisa cu cos ta malo na Venezuela y pesey nan ta aki. Si ta asina anto nifica cu
nan ta lubida di respeta nos leynan.