Page 42 - KPA

tanto den e cushina, comedor y hasta e cambernan. Den un camber patras di un banki nan a
encontra cu e yiu S.C kende a ser mara cu paña blanco na su mannan y pia, e victima ainda
tabata drumi riba e vloer. Polis a los e victima y a ripara cu e tabata spanta y tur nervioso. Debi
na esaki a solicita presencia di ambulans na e sitio y tambe slachtofferhulp como tambe e
investigadornan technico y tambe recherche. E mama a relata cu poco prome cu 7'or di anochi
ela sali for di cas bayendo direccion Kudawecha ela papia cu su yiu y cu tur cos tabata ok.
Tabata casi un mey ora despues su yiu a yame bisando e cu cu hendenan a drenta nan cas y
cu nan a mare na su man y pia, mesora e mam a yama polis y a dirigi su mes na e cas.
Papiando cu e victima esaki a declara cu e tabata su so na cas y cu ela bay pafo un rato y ora
ela bira bay paden a aparece 3 persona cara tapa na e parti patras di e cas y a bay paden tras
di y cu e victima. Unabes paden e victima a tende e sospechosonan aki ta papia papiamento
bon bon sin accento. Nan tabata 2 masculino y un femenino cu a bisa e victima pa e keda keto.
Kiko e sospechosonan aki tabata busca nan no a bisa e victima y a pasa man pa un cuchiu y a
corta un shirt blanco den 2 y a mara e victima na su man y pia. Despues nan a coba y plama
yen di paña ora nan a keda cla nan lo a bandona e sitio bayendo aparentemente den un auto
chikito parecido na un Hyundai Getz preto. Mucho mas detaye nan no por a haya for di e
victima debi na su situacion cual e no tabata den condicion di papia na e momentonan ey
ambulans a yega y a atende e victima na e sitio mes. E victima a bisa cu na ningun momento a
mira ningun arma di candela te asina leu cu e por a mira. Lo mas straño di tur ta cu e
antisocialnan aki no a bay cu nada.

Shortened link: http://awe24.com/24364