Page 41 - MIN VOS 22JAN,2016

AWEMainta Diabierna, 22 Januari 2016 17

SV Universal
na Pos Chiquito
tambe ta celebra
Dia di Betico

ARUBA dia 25 di januari awo ta celebra Dia di Betico.

Den cuadro di esaki e directiva recien eligi di SV Uni-
versal ta organisando un evento na Clubhuis Universal
na Pos Chikito.

Despues cu e directiva nobo a keda eligi dia 14 di januari
ultimo, a dicidi cu no por laga e fecha aki pasa sin tene
un evento specialmente p’e bario di Pos Chikito, Sabana
Basora y bisindario.

Rib’e dia aki lo bay organisa principalmente weganan
deportivo, manera futbol rib’e veld, basketball, zaalvoet-
baal, etc. P’e muchanan chikito tambe lo tin diferente
wega.
Mientras cu e muchanan ta participa den e diferente
weganan lo bay tin wega di domino pa e grandinan
y musica pa entretene tur e bishitantenan. Tambe ta
bay tin un seccion di ‘vlooienmarkt’ mientras cu e bar y
cushina ta habri pa refresca boca y stoma.

Pa medio di esaki directiva di SV Universal kier manda
un invitacion na habitantenan di e barionan di Pos Chiki-
to, Sabana Basora, Burubundu y bisindario pa acudi y
sostene e actividad cu ta wordo organisa pa entretene
nos hendenan. Specialmente p’e muchanan cu ta haya
un manera sano pa diberti nan mes.

Rib’e dia aki tambe tin oportunidad pa registra como
miembro pagando 10 florin, y mucha, hoben y adulto cu
ta interesa pa participa den un di e ramonan deportivo cu
ta bay lanta tambe lo por registra. E ta un bon oportuni-
dad p’e habitantenan di bario topa cu otro y bini cu mas
idea pa mehora e bienestar di e habitantenan y e bario.

E evento ta cuminsa for di 10’or di mainta y ta termina
pa 6’or di atardi.