Page 43 - MIN VOS 22JAN,2016

AWEMainta Diabierna, 22 Januari 2016
Scol di Arte San Nicolas ta presenta:
Calypso Heritage Week #2
pa diamars 26 y diaranson 27 di januari
ANUNCIO
ImSan tin e grato placer di informa e comunidad Arubano en especial e personanan cu ta
sufri di diabetes cu diabierna 22 di januari 2016 ImSan lo habri su dependance nobo di
diabetes centrum situa na Rumbastraat 18, net dilanti di e oficina principal di AZV.
ImSan ta gradici tanto nos Minister di Salud Publico como AZV pa e cooperación ricibi pa por
a logra esaki.
Mester menciona cu di tur e gastonan di AZV 25% ta relaciona cu e malesa diabetes.
Diabetes ta un malesa crónico no transmisibel (NCD) y si bo no cuide bo por core e riesgo di
haya daño ireversibel.
E pashent di diabetes por hiba un bida normal si e ta na tempo y si e cuida su salud y sigui e construccion di identidad den un espacio diverso manera
consehonan cu e ta haya di e profesionalnan.
Sino e pashent ta core e riesgo di desaroya problemanan secundario di cierto organonan
manera cuero, (herida cu no ta cura), wowo, curason y no lubida riñon.
E problemanan secundario ta afecta tanto e añanan di bida como e calidad di bida di e
pashent.
Pesey mes prevención ta di suma importancia y si a caso bo haya e malesa e bon cuido di bo
salud por evita e tristeza cu e malesa aki ta trece cune.
Ta calcula cu tin como 8000 pashent di diabetes cu ta conoci pero probablemente tin e
mesun cantidad cu no ta conoci ainda.
Pa información por yama na e number di telefon 524 8871.
Mi ta gradici e team di diabetes di ImSan pa tur e bon servicio cu nan ta duna na e
pashentnan y alabes mi ta gradici tur e pashentnan pa nan pasenshi y confianza den nos.
Director di Instituto Medico San Nicolas
Drs. J. Rajnherc, kinderarts
19
DEN cuadro di e di dos Aruba Calypso Heritage Week,
Community Research Education and Development Proj-
ect, esta CRED, ta organisa dos dia di actividad tocante
musica di Calypso y su herencia cultural den Caribe y
Aruba. Esaki lo tuma luga na Scol di Arte San Nicolas.
Diamars 26 di januari, investigado cultural Gregory
Richardson lo duna un charla yama “Calypso and Be-
longing”, unda e lo enfoca rib’e cultura di Calypso y e
esun di Aruba. Despues di e charla lo mustra e docu-
mentario “Calypso Dreams” di Geoffrey Dunn tocante
e historia y desaroyo di Calypso na Trinidad. Mighty
Sparrow, Calypso Rose y David Rudder ta entre esnan
cu ta aparece den e documentario aki.
Diaranson 27 di januari, oficialmente pa di dos biaha
na Aruba, lo mustra e documentario “Mighty Lords,
Kings and Queens: Calypso and the Politics of Recogni-
tion”. E documentario aki, produci pa cineasta Sharelly
Emanuelson, ta enfoca rib’e diversidad cultural di Aruba
y den e cuadro aki ta toca perspectiva di diferente musico
tocante Calypso y Roadmarch/Soca na Aruba. Calypso-
nians y musiconan manera Lord Boxoe, Young Quick Sil-
ver, Lord Cobashi, Mighty Talent, Lady K, Lady V, Mighty
Reds, Black Diamond, Lady Mezzo, T Money, The Baron
y Hildward Croes ta e streanan di e documentario aki.
Despues di e documentario lo tin un “Calypso Tent and
Open Mic Night” unda cualkier calypsonian of persona
interesa por expresa nan mes den Calypso of cualkier
otro forma. E por ta un composicion nobo of existente.
E banda The Failures, como un banda cultural forma
pa e herencia rico aki, lo t’ey pa presenta nan composi-
cionnan y tambe sostene otronan cu kier contribui.
Pueblo henter ta keda invita pa atende e Calypso Heri-
tage Week aki, unda pueblo por siña mas di nos historia,
intercambia idea y contribui na e herencia cultural aki,
cu ta hopi importante. Tur hende por duna comentario
of haci pregunta libremente.
Un biaha mas, fechanan lo ta diamars 26 di januari 2016,
y diaranson 27 di januari 2016. E luga lo ta Scol di Arte
San Nicolas. E evento lo cuminsa for di 6:45 PM. Natu-
ralmente, e idiomanan papia lo ta Ingles y Papiamento,
y entrada ta completamente gratis.