Page 18 - AM210830

Dialuna, 30 August 2021 AWEMainta.com 18

Acto di entiero conmovedor di Melanie Angel Thiel,

ruman di nos conocido artista Jeon Arvani

Diabierna ultimo tabata tin e oportunidad di despedi
di Melanie Angel Thiel na Drive Inn, esaki a tuma
lugar for di 6’or di atardi pa 9’or di anochi.

Un momento hopi tristo caminda varios hende a
haya chens pa despedi di un gran persona Melanie
Angel Thiel, miho conoci y cariñosamente yama “
Mela, Mel, Mely, Lotchi, Beer, Melonchi of Melager.

Diasabra for di oranan di merdia curpa di Melanie
tabata reposa na Misa Santa Filomena na Paradera
aki tambe un cantidad di amigo, conocir, bisiña y
famianan por a despedi di Melanie. Despues Melanie

a wordo hiba na su ultimo lugar di sosiego cu ta na
Santana Pastoor Kranwinkel na Paradera.

Melanie a wordo compaña pa su ultimo lugar di

sosiego pa su famia, amigonan y conocirnan. Un
cantidad grandi di areglonan floral a decora su
ultimo lugar di sosiego.
Melanie a nace dia 09 di mei 1988, su mayornan ta

Francia “Anchie” Semeleer y e conocido musico y
cantante Robert Thiel.
Melanie ta ruman di e artista Arubiano Jonathan
Thiel, conoci internacionalmente bou di e nomber

artistico Jeon Arvani. Melanie tin mas ruman,
Rozanne Thiel, Garvin Albertus y Jean Paul. Melanie
tabata tin un sobrino yama Ro-endry Bryson.
Melanie a laga atras su pareha Jay Lovell y su yiu

Jayzley Brown. Nos di AWEMainta ta extende su
palabranan di mas profundo condolencia na famia y
amigonan di Melanie Thiel y cu Melanie sosega na paz.