Page 7 - AM210830

Dialuna, 30 August 2021 AWEMainta.com 7
Misa Santa Filomena di dos victima di

vandalismo na imagennan parti pafo

Diadomingo Misa Santa Filomena a haya un sorpresa
desagradabel, momento cu a mira cu algun imagen pafo di e Misa

a wordo destrui.
Dilanti Misa Santa Filomena ta existi ya pa decadas un imagen
Birgen, y e tres muchanan cu a aparece cerca nan.
Un of mas persona pa un of otro motibo desconoci a haci e acto di

destrui practicamente tur cos. Esnan destrui ta bulto di e mucha
muhernan.
E bulto di e mucho homber na rudia a wordo gespaar, pues sea
nan no a haya chens di kibra esey of no tabata kier a kibra esey.

Algun siman atras mesun tipo di vandalismo a wordo cometi cu
dilanti Misa Inmaculada Consepcion na Santa Cruz. Por mira
mesun modus operandi

Esun di ayera diadomigo na Paradera a laga un tristesa p’esnan
cu ta fiel bishitante di e Misa aki.
Rato rato parokianonan tabata yega pa mira cu tristesa e
destruccion di algun imagen cu tin decadas eynan.

Locual nos por deduci di esun/esnan cu a haci e vandalismo aki,
ta muy probabel enfermedad mental basta avansa y cu mester di
ayudo urgentemente.
Lo ta bon pa otro Parokianan tuma nota di e vandalismonan y

mesora pone camara di seguridad y luz prome e bati na nan porta.