Page 12 - AM210830
P. 12
12 AWEMainta .com Dialuna, 30 August 2021
Un biaha mas accidente riba cruzada conoci den Weststraat
Diasabra anochi algun rato prome cu toque de
queda cuminsa un accidente entre dos auto a sosode
riba e famoso cruzada conoci den Weststraat.
Den prome instante a papia di un accidente basta
serio. Na yegada di Polis nan a constata cu tin un
Mitsubishi pick up benta riba su banda robes,
mientras e otro vehiculo cu tabata un Volkswagen
stationwagon.
Mesora Polis a ricibi informacion cu esnan envolvi
ta ok, ambulance ya tabata n’e sitio controlando un
di e personanan. Mas tanto tabata daño material.
Polis di Trafico mientrastanto a wordo pidi y tabata
na caminda p’e sitio. Companianan encarga cu
seguro tambe a presenta.
Trafico mester a wordo desvia pa algun rato, debi cu
e autonan tabata mey-mey di caminda, strobando
trafico.
Falta di preferencia manera den mayoria di e otro
accidentenan a hunga un rol.
