Page 15 - AHATA NOV 16 2021

PAGINA 4 DIARIO DIAMARS 16 NOVEMBER 2021
DOW ta yuda abastece

santo blanco bek pa

beachnan cu a wordo afecta

ORANJESTAD (AAN): E awaceronan cu a cay ultimo
simannan na Aruba, a causa erosion no djis na e camindanan
di costumber, pero tambe a bay cu hopi di e santo blanco cu
tabatin na beach di Arashi. Fuera di esey un rooi basta hundo
a aparece cu tabata un estorbo pa esnan cu ta bay beach.
Tin indicacion cu otro beachnan tambe a sufri di e erosion
aki, causa tanto pa yobida como tambe lama bruto.
Pueblo a reclama, y e bon noticia ta cu e expertonan di
Departamento di DOW a scucha! Mesora nan a traha un plan
pa asina suministra santo blanco fresco eynan.
Asina a nace e asina yama ‘Proyecto Beach Zand’.
Tabata Dialuna siman pasa, esta 9 di November 2021, nan
a cuminza cu e proyecto di Beach Zand. E proyecto akinan ta
encera yena e beachnan cu santo blanco.
A cuminsa cu Arashi Beach, cual DOW a finaliza riba
Diabierna cu e pasa.
Dialuna a habri, y nan ta trahando awor pa hiba santo blanco
na Boca Catalina y e otro siman DOW lo bay haci esaki na
Eagle Beach pa haci reparacion na beach.
Segun DOW a indica riba nan pagina di social media, cu
e ‘Proyecto di Beach Zand’ ta programa pa caba dia 30 di
November 2021.