Page 28 - AWEMAINTA

28 AWEMainta Diaranson, 25 April 2018

Na Kudawecha tambe chauffeur a pega soño

DIADOMINGO durante cu dia tawata
habri polisnan a bay cu urgencia na Kudawecha,
pa un accidente.
E accidente a tuma luga altura di un compleho
di apartamento, caminda un Hyundai Getz a
perde control y bay na su man drechi.
Aparentemente e chauffeur lo a pega soño. Un
soño cu lo sali basta placa.
Durante cu e Getz a baha caminda, el a ranca 6
meter di awa y tambe a bay dal 2 auto staciona.
Personal di ambulance a transporta e chauffeur
pa hospital, mirando cu e tawata keha di dolor.

Bringandonan a bandona

sitio despues di pelea

DIABIERNA ultimo Comandante na Warda a manda patruya
na He’s Supermarket na Monserat pa un pelea cu arma, unda cu
un homber lo mester a maltrata un otro cu un boter.
Na caminda pa e luga, comandante na warda a indica cu e
victima desconoci no tabata kier ayudo y a bandona e sitio.
E otro partido a bandona e sitio den un auto color blauw. Na
yegada na e adres, polis no a topa cu ningun hende. A papia cu
doño di e luga, kende a declara cu un tal M. tabata burachi y
a molestia e otro homber. A surgi un discusion cu a caba na un
pelea, unda cu e otro homber a dal M cu un boter of un otro
obheto. Polis a core rond den bisindario pa mira si ta topa cu
e tal M pa haya mas informacion, pero no a topa cu ningun
hende. Tampoco no a topa cu e contrapartido. Comandante na
warda a wordo poni na altura.