Page 22 - UTILITIES MRT 24

Valero NO ta ganando e cantidad di placa cu oposicion ta
pretende cu nan lo tin como ganashi

M onday, 23 March 2015 20:33
Comparti

Minister di Asuntonan Economico y Energia, Mike de Meza den un entrevista siman pasa a
subraya cu e asuntonan no ta manera opositornan politico ta pretende cu nan ta of kier laga
pasa cu nan lo por ta.
Opositornan a expresa cu e Valero lo ta ganando masha hopi placa cu e actividadnan di
transshipment y a menciona algun shen miyon y hasta un biyon di entrada anual cu segun nan
ta loke Valero lo ta ganado actualmente. Esaki ta un ponencia totalmente ridiculo, segun De
Meza, kende a splica cu transshipment ta un actividad interesante, pero cu e ganashi no ta un
biyon, no ta algun shen miyon y si e ta sali 20 miyon pa aña prome cu impuesto porta e
compania tin un bon aña. Ademas, ainda mester corda cu despues di inversionnan grandi den
mantencion, si resta 20 miyon mes, Valero tin cu paga tambe ainda 10 miyon di dollar
mericano di impuesto na Pais Aruba for di e ganashi, De Meza a bisa.
Transshipment semper tin su interes internacional pa haci uzo di dje, depende di unda bo ta y
den e region di Aruba sigur tin interes p’e, segun Minister Mike de Meza ta splica. E wafnan di
transshipment di Aruba por acomoda barconan sumamemente grandi manera ta e VLCC (Very
Large Crude Carriers) y ULCC (Ultra Large Crude Carriers), cual ta barconan cu por carga y
descarga miyones di bari di crudo; e facilidadnan por pone den nan inventario 10 miyon bari di
crudo. E factornan aki ta haci cu e waf y facilidadnan di Aruba ta sumamente interesante como
waf di transshipment, segun e minister.
Mester corda di otro banda cu e tankinan mester di hopi mantencion y den e ultimo añanan
Valero a hinca 20 pa 50 miyon dollar den mantencion y “upgrading” di e tankinan, Minister De
Meza a remarca. E ta un negoshi cu ta rekeri hopi capital y inversion, esta “capital intensive” y
bo mester tin bo contractnan y bo mester por duna e garantia di un bon operacion, el añadi.
Si transshipment realmente lo gana biyones, pensando logico tur refineria rond mundo lo cera
nan portanan y haci transshipment.
E tipo di configuracion, tanki, waf y partners ta determina con economicamente beneficioso e
actividad di transshipment ta y semper e punto di “break even” of “haci ganashi” ta depende di
cuanto placa e compania mes ta hinca den infrastructura di e facilidadnan, e mandatario a
comenta.
Valero tabata hopi cla pa bende henter e refineria, esta e facilidadnan completo, incluyendo
transshipment. Como cu esaki no a logra a dicidi di opera e facilidadnan di transshipment so.
Ta facil pa esunnan cu no conoce e negoshi aki papia, pero realidad no ta manera algun hende