Page 25 - UTILITIES MRT 24

manera un supermercado of shap, pero ta hopi “kapitaalintensief”. Pa por habri e refineria bek
awe despues cu e ta cera pa tres aña caba, e mandatario a agrega, ta necesario un trabao di
mantencion grandi cu lo costa 300 pa 400 miyon dollar. Adicionalmente, pa haci e plantanan
mas competitivo riba mercado internacional mester un inversion di algun biyon dollar, mester
tin aceso na crudo of pa cumpra crudo y no ta “asina asina” ta haya un compania pa haci un
inversion asina.
Ohala si por tin un compania cu realmente por haci algo bin dilanti, De Meza a expresa. Den e
cinco añanan cu gobierno y Valero ta bezig buscando un cumprado of inversionista serio, e
compania cu cual nan a yega hopi leu den negociacion cune tabata PetroChina, pero e
compania mes pa motibonan interno a stop e negociacionnan, el a splica.
Tabatin diferente compania cu a mustra interes, cu cual Valero a firma confidentiality
agreement pa nan tin aceso na datonan di Valero, pero no por a yega na un acuerdo cu ningun
di nan.
Valero kier cumpli cu su obligacionnan contractual, cu ta algo gobierno mester respeta tambe,
paosbra gobierno di aruba no por tumae responsabilidad ey. Eta algo iresponsabel pa djis tuma
e refineria anto keda cu tur e liabilities, hinca bo mes den un problema sumamente grandi.
Oposicion a papia, pero no a pone ningun nomber riba mesa y mustra cu echonan cu tin
companianan pa asumi e resonsabilidad di un operador pa inverti. De Meza a bisa cu
companianan cu ta bin y habri e refineria, pero den algun aña ta cer’e bek no ta yuda Aruba na
nada, Minister De Meza a comenta.
Pa haya un compania pa inverti responsablemente ta hopi dificil, esaki ta algo cu ex-Prome
Minister Nelson Oduber mes a bisa, Minister Mike de Meza a conclui bisando.

http://www.24ora.com/politica-mainmenu-18/93285-minister-de-meza-ta-laga-sa-cu-actualmente-e-
situacion-cu-valero-ta-status-quo

Xiomara Maduro: E conflicto di interes den WEB mester
wordo investiga

M onday, 23 March 2015 17:57
Comparti

Na augustus 2012 a tuma lugar un Dialogo Social den cual Gabinete Eman a presenta su vision
den cual na aña 2020 Aruba lo ta liber di uso di heavy fuel oil.
Durante e Dialogo Social aki e gremio y sindicato di nos Pais a bay di acuerdo pa stabilisa e
prijs di coriente por medio di hedging cu ta tuma lugar na WEB. Den e mesun Dialogo Social
aki a tuma e decicion pa WEB por haci conversion necesario pa bay draai su makinaria riba gas
y di e manera aki haci menos uso di heavy fuel oil. E gas pa WEB lo wordo produci pa e