Page 23 - AM240905

Diahuebs, 5 September 2024 AWEMainta DEPORTE 23

Chael Sonnen ta declara Sean

O’Malley e strea mas grandi di UFC

CHAEL Sonnen, un ex-bringado di UFC y comentarista
actual, a declara cu e campeon di peso gallo Sean O’Malley
awor t’e strea mas grandi den e mundo di Mixed Martial
Arts (MMA). A pesar di e fama duradero di Conor McGregor,

Sonnen ta argumenta cu O’Malley, cu su actividad consis-
tente y victorianan reciente, a surpasa tur otro den e deporte.

Sonnen a enfatisa cu McGregor, kende no a bringa reciente-

mente y no tin un licencia actual, no por wordo considera
un competidor activo mas. Den contraste, O’Malley a keda
sumamente activo, bringando cinco biaha desde e ultimo
aparicion di McGregor.

E ascenso di O’Malley a culmina den su victoria pa knockout
contra Aljamain Sterling pa captura e titulo di peso gallo,
sigui pa un defensa dominante contra Marlon Vera. Sonnen

a destaca e logro aki, bisando, “O’Malley t’e strea mas
grandi den nos deporte aworaki,” afirmando cu e stardom di
O’Malley ta surpasa hasta e leyendanan di e deporte manera
Georges St-Pierre y Khabib Nurmagomedov.

O’Malley ta programa pa defende su titulo atrobe dia
14 di September na UFC 306 contra Merab Dvalishvili.
Curiosamente, O’Malley inicialmente a habri como underdog

p’e pelea aki, cual a sorprende Sonnen mirando e actuacion
reciente di O’Malley contra Vera, cual el a describi como e
“miho actuacion den peso gallo.” Sinembargo, e ‘odds’ a
cambia desde e tempo ey, reflehando e naturalesa competi-

tivo di e encuentro.

Dvalishvili ta presenta un reto significante pa O’Malley debi
na su habilidad den lucha y su condicion fisico incansabel,

cual por crea dificultadnan pa O’Malley si e pelea bay tera.
Sonnen a reconoce e tarea dificil cu ta spera O’Malley pero
a nota cu e campeon ta prospera bao presion. “Ora e cas ta
na candela... esey ta parce di ta unda Sean O’Malley ta duna

su miho actuacion,” Sonnen a remarca.

E apariencia yamativo di O’Malley y su estilo no conven-
cional a pone algun hende subestima’e, pero su exito den e

octagono ta papia pa su mes.

E pelea cu ta bin contra Dvalishvili ta ser spera di ta un
prueba severo, pero si O’Malley por mantene e pelea para

y evita e ‘takedown’nan di Dvalishvili, su chens di retene e
titulo lo aumenta significativamente.