Page 31 - AM240905

Diahuebs, 5 September 2024 AWEMainta COMUNIDAD 31

Publico a gosa fo’i comienso te fin

Parada di Brazil tabata uno sumamente bunita cu hopi ambiente

DIADOMINGO ultimo a tuma luga e conocido
Parada di Brazil, un marcha folklorico cu a pasa
den e cayanan di Brazil y a caba na Centro di

Bario Brazil te den e oranan di anochi.

Chico Harms, presidente di e fundacion cu ta
carga su nomber (Fundacion Chico Harms), a

comenta cu e ta hopi contento con cos a bay.
For di mainta trempan nan a cuminsa. E tabata
un parada masha bunita mes y exitoso, mucho
mas miho y mucho mas grandi compara cu aña

pasa.

Tabatin 11 grupo, 7 banda y 4 disco, a participa
den e parada aki. Chico a sigui splica cu p’e

atardi tabata uno grandi. Door di esey e ta sigur
di su exito pa otro aña. Pa loke ta participante
ta calcula cu tabatin 1200 hende riba pia.

Tabatin dos grupo grandi nobo, pero tur e otro
gruponan tabatin hopi integrante nobo tambe.
Tambe loke ta remarcabel cu tin varios grupo di
Corsou cu a participa den e parada aki. Chico

a splica cu nan sa bay Corsou pa wak Seu y a
topa cu e gruponan aki y ey a invita nan. Esaki
tabata di cinco aña cu nan ta participando den
e parada.

E comentarionan riba caya sigur ta un moti-
vacion pa un y tur, cu hasta a comenta cu lo
participa otro aña y esunnan cu a participa caba,

a bisa cu nan lo bin mas fuerte otro aña. Esey ta
un nificacion cu nan ta den bon caminda, segun
Harms.

Den pasado e gruponan musical a yega di
vocifera cu e gastonan pa participa den un
parada asina ta hopi halto. Chico a comenta cu
tipo di cos asina, ta gastonan sigur halto. Pero

e ta gosa e gruponan pasobra nan ta traha full
aña pa bin cu nan grupo.

Di parti di Chico Harms, mirando e aña aki, e

ta sigur cu otro aña lo ta mas grandi. E ta hopi
contento cu esey.

Ta dificil pa menciona e cantidad di hende cu tin

di gradici. Chico ta gradici y felicita tur cu a sa
di yuda den organisa e famoso Parada di Brazil.