Page 6 - ARUBA BANK 29 OCT 2015

Aruba Bank contento di ta sponsor principal di ATIA su
Annual Corporate Event

Publication: Thursday, 29 October 2015. Categoria: General

ORANJESTAD (AAN): E tempo a yega atrobe pa e ‘Annual Corporate Event’ di ATIA y segun
Executive Director di Aruba Bank Gina Habibe e aña aki ta bay ta extra special, door cu ATIA ta
cumpli 70 aña di existencia, durante di cual el a representa e comunidad comercial aki na Aruba.
Señora Habibe a splica cu tur aña ATIA ta percura pa un topico relevante pa e comunidad
comercial y e aña aki Aruba Bank a haya e honor special di ta sponsor principal di e evento
importante aki.
E topico ta bay ta Labor Market Flexibility, cu e enfoke riba con esaki por beneficia e economia
y condicionnan di trabao, tanto pa e dunador di trabao como pa e empleado.
“Semper ta bon pa nos como isla chikito beneficia di experiencia di otro paisnan”.
Esaki segun e executive director di Aruba Bank, kende a sigui bisa cu e orador di e aña aki
señora Ronnie Goldberg ta bin cu un experiencia inmenso den e area aki, siendo consehero di
institucionnan importante manera United States Council for International Business y ILO.
“Nos di Aruba Bank ta spera cu e comunidad comercial por sostene e evento grandi aki y sigui
duna su apoyo na ATIA, pa e sigui cu su trabao importante di ta representante di nos comunidad
comercial pa hopi aña mas”, segun señora Habibe.
http://www.diario.aw/2015/10/aruba-bank-contento-di-ta-sponsor-principal-di-atia-su-annual-
corporate-event/