Page 23 - AWEM 13-Jan-2015
P. 23
AWEMainta Diamars, 13 Januari 2015 23
Subway Aruba
cu DONACION
na deporte!
PA varios aña caba Subway Aruba conhuntamente cu Playing it
Forward na Boston, Massachusetts, ta haci donacion na deporte
di Aruba.
Playing it Forward ta un fundacion cu ta colecta material di
deporte di Universidad y skolnan den e area di Boston. Su
obhetivo ta pa manda material di deporte pa hobennan cu mester
di esaki rond mundo, incluyendo Aruba.
Cu cooperacion di Cargo International na Miami y Bon Bini
Cargo na Aruba, kendenan ta encarga cu e transportacion di e
material, Subway Aruba a logra haci donacion e aña aki na Little
League Softball Aruba cu ta consisti di ekiponan di softball como
tambe baseball.
Nan lo percura pa cada un haya e material necesario p’asina aki
nan por progresa den nan deporte.
‘Subway ta kere cu deporte ta un di e mihor maneranan pa
desaroya hoben como tambe adultonan pa por biba un bida mas
salubabel y positivo y lo sigui cu tipo di donacionnan asina’, sr.
Jaime Maduro di Subway ta comenta.
Riba e potretnan por mira momento cu a entrega e materialnan
aki na sra. Carmelita Haynes, kende ta encarga cu Little League
Softball Aruba.
