Page 12 - MIN TTC 4 MAART 2016

Minister Oduber y A.T.A. a reuni cu Aruba Hospitality and
Security Foundation

Thursday, 03 March 2016 18:31
Tweet
Comparti

Aruba Hospitality and Security Foundation a duna Minister Otmar Oduber y oficina di turismo un
presentacion riba e desaroyonan di 2015 y e plan nan pa 2016.
AH&SF ta traha hunto cu Cuerpo Policial na bienestar di e areanan turistico. Minister Oduber a
demostra e hecho cu kier haci mas visibel e presencia di siguridad den areanan turistico. No solamente
den e areanan hotelero pero rond di nos wafnan, na San Nicolas y na Baby Beach. Lo kier mira mas
presencia di Cuerpo Policial den e areanan aki pa brinda e sentido di siguridad mas amplio posibel na
nos bishitantenan. A delibera riba diferente strategianan pa haci esaki posibel. Tin un acuerdo firma
entre e hotelnan, gobierno y otro partidonan den un Revpar Comity, cu ta pone cierto responsabilidad
tambe riba e hotelnan pa ta mas envolvi den aspectonan di siguridad. Den esaki lo bay evalua e grado di
siguridad na cada hotel, por ehempel areanan cu falta luz, mester pone camara y tur e tipo di factornan
cu ta haci e envolvimento di hotelnan tambe mas halto cual lo contribui na e esfuerso di Cuerpo Policial,
Gobierno y AH&SF.
E mandatario ta comenta cu a discuti riba e aspecto di insiguridad cu ta existi, hopi biaha rond di e hotel,
cu por duna un imagen cu pafo di e hotelnan tin un crecemento di criminalidad cu ta tumando luga.
Pesey ta asina importante pa A.T.A. sigui contribui na AH&SF cu ta contempla mas e intencion di mira
presencia di siguridad den e areanan turistico y cu lo por complementa e areanan por ehempel patras di e
resortnan, riba e beachnan cu hopi biaha ta scur sin luz y sin camara.
Sr. Oduber ta consciente cu e maneho di Cuerpo Policial no ta dirigi unicamente riba e area turistico, tin
un maneho pa siguridad nacional, pero na momento cu ta haci uzo di fondonan di A.T.A. e ora mester
percura cu tin un concentracion pa baha e presion di criminalidad den e areanan aki.

http://www.24ora.com/local-mainmenu-5/105968-minister-oduber-y-ata-a-reuni-cu-aruba-hospitality-
and-security-foundation-