Page 13 - MIN TTC 4 MAART 2016

Reportero a coba mama di Parkeer Wachter di AruParking y
hinca man den su cara y gaña riba dje tambe usando su
yiunan

Thursday, 03 March 2016 22:11
Comparti

Diahuebs den oranan di merdia a sosode un caso caminda un reportero di un website a busca problema
cu un miembro di AruParking cu tabata moviendo riba bicicleta.

El a mira e miembro di AruParking moviendo riba bicicleta y haciendo su trabou. Pa motibo cu e tabata
coriendo den direccion contrario riba bicicleta a saca su potret y cuminsa buske problema. E Parkeer
Wachter a bay purba atende cu e reportero problematico aki y cos a bay for di man. E reportero a
cuminsa instiga y busca manera di pone e parkeerwachter rabia. El a bay asina leu di coba mama di e
parkeerwachter ora cu e situacion a cuminsa bay for di man. El a hinca man tambe den cara di e
parkeerwachter. Algo cu mas biaha el a yega di haci cu otro hende tambe. Pa colmo su yiu muher a tambe
a join e problema contra e parkeerwachter pa yuda e tata cu a coba mama di e Parkeer Wachter. E
reportero a bay gaña despues cu e Parkeer Wachter a scupi su yiu muher y cu e Parkeer Wachter a dal e
mes un mokete den cara. E reportero a core yama Polis y bay cu Polis na AruParking pa atende e asunto.
El a haci masha desordo ora cu el a bay cu Polis. Polis mes no a kere masha e storia di e reportero.
Ademas e Parkeer Wachter a bisa cu ningun rato el a agredi e reportero. Polis a constata cu e reportero
no tin ningun indicacion di cualkier golpi na su curpa. Finalmente Polis a intermedia cu e issue y
problema cu e reportero aki kier a causa. Mester remarca cu polisnan mes tin basta dolor di cabez cune
ora cu e ta eherce su trabou. Polis no gusta stroba prensa pero e reportero aki ta bay dimas ora cu e tin un
situacion cu polis ta atende. Hopi Polis a yega di hala su atencion y tin cu no kier mire mes caminda cu
nan ta. Nan no ta confie pasobra e ta haci cosnan cu no ta corecto y ta hinca camara den cara di un
victima cu ta wordo yuda. Un potret cu e por saca riba un distancia mas decente. Mescos ta pasa cu e
situacion unda tempo cu AruParking a nace, e mesun reportero a bay cubri un protesta na Playa y a para
auto riba acera y keda sinta den auto mientras cu tin parkeervak habri. E kier a mustra cu no ta para auto
den vak y e parkeerwachter a hala su atrencion cu e no mag di para riba acera. Mester cumpli mescos cu
tur ciudadano. Tipo di comportacionnan asina lo sigui sosode cu e tipo aki. Den e caso di diahuebs el a
cuminsa un problema y hinca su yiunan den problema y djey core yama Polis pa bay purba gaña pa causa
daño na e trabou di e Parkeer Wachter.

http://www.24ora.com/policial-mainmenu-8/105978-reportero-a-coba-mama-di-parkeer-wachter-di-
aruparking-y-hinca-man-den-su-cara-y-gana-riba-dje-tambe-usando-su-yiunan