Page 23 - HOH_Neat

12 AWEMainta Diahuebs, 5 November 2020

8 Cursista a termina curso di

computer na Club Kibrahacha 60+

DIASABRA ultimo un grupo di 8 persona cu a participa na
curso di computer na Club Kibrahacha a haya nan certificado.
E curso tabatin un duracion di 8 siman. E participante a haya
training pa siña con pa traha cu e-mails y web browsers. Tambe e
participantenan a siña haci uso di online banking, con pa controla
nan cuenta y haci transferencianan di banco.
Durante e di e training e participantenan a haña guia di WEB y
ELMAR y asina siña con pa haci uso di nan servicionan online
y con pa registra p’esaki. Tur 8 participate cu a inicia cu e curso
a sigui y a termina e curso cu exito. Club Kibrahacha 60+ ta

felicita Robert Clement, Selvia Lumenier, Martha Jackson,
Lilian Prince, Olivia van der Biezen, Berendina de Mik, Susan
Cooks y Filomena Croes p’e bunita logro aki.

Giannina Subaran tabata encarga pa duna e computer training.
Giannina ta un hoben profesional cu a prepara y guia e training di
computer aki durante 8 diasabra. E curso aki tabata hopi extenso
y prepara special pa personanan di 60 plus. Den su tempo liber
Giannnina a duna e curso aki como boluntario.

Tur e participantenan a tuma parti cu hopi entusiasmo n’e training
di computer. Club Kibrahacha 60+ kier a gradici Giannina
Subaran pa tur su tempo y pasenshi pa organisa e training di
computer. Tambe kier a bisa danki na WEB y ELMAR pa nan
sosten.

Club Kibrahacha 60+ ta contribui cu e necesidad cu ta creciendo
den comunidad relaciona cu e digitalisacion di diferente servicio
na Aruba. Pa comunica y haci pago digital ta importante pa nos
prepara y duna guia nos hendenan di edad. Na Club Kibrahacha
60+ tin sala di computer equipa y su infrastructura tin WiFi gratis

pa tur bishitante. Asina tambe ta ofrece tur persona e oportunidad
pa siña traha cu computer.

Den luna di januari Club Kibrahacha ta cuminsa cu un grupo
nobo. E curso ta wordo duna pa un grupo di maximo 8 persona.
Por yama inscribi na Club Kibrahacha 60+ na 582-8159. Tene
cuenta cu e cuponan ta limita. E curso aki a tuma lugar riba
diasabra mainta na Club Kibrahacha 60.