Page 4 - AM211028

4 AWEMainta .com
Dos concepto di ley di mucha di Dakota
Marlon Sneek a keda aproba den dos dia
Dialuna mainta Parlamento a reuni pa trata e
concepto di ley conoci como “Initiatief Ontwerp-
landsverordening houdende regels betreffende de
integriteit van kandidaat-ministers en ministers
(Landsverordening integriteit ministers)” cual
concepto di ley a wordo aproba cu solamente un
voto contra, cu tabata di Luis Mansur di fraccion di
Accion21.
Diamars mainta a sigui otro reunion caminda
a trata otro concepto di ley conoci como
“Ontwerp-landsverordening tot wijziging van de
Landsverordening beperking tabaksproducten”
cual ley tampoco a conoce resistencia y a wordo
aproba pa Parlamento.
Tin un aspecto cu no a wordo mucho menciona pa
loke ta trata ambos concepto di ley ya cu p’e ley di
screening, t’e propio Presidente di Parlamento a
defende e concepto di ley aki, caminda su persona
hunto cu e actual Minister di Husticia, Rocco Tjon,
a presente e version nobo aki.
Sinembargo ora cu lesa den ‘oproeping’ di Parlamento
cu ta mustra riba un “initiafief ontwerp” aki no por
neglisha cu e concepto di ley aki ta un adaptacion
minimo di e ley cu a wordo presenta na 2015 pa ex
Parlamentario di fraccion di AVP, sr. Marlon Sneek.
El a presenta e concepto aki na 2015 y na 2017 el
a wordo “afgekondigd” y cual proceso a wordo usa
tanto na 2019 como awor na 2021.
Historia politico di e ley aki ta mustra cu e duo
dinamico di Tjon y Vrolijk, a shuffle cu e ley aki, a
cambia algun aspect di e ley, pero pa gran parti e
concepto presenta no ta diferencia casi nada di e
concepto di ley presenta p’e ‘initiatiefnemer’ cu t’e
mucha homber di Dakota, Marlon Sneek.
Tin e dicho na Papiamento cu ta bisa cu “mester
duna Ceasar loke ta di Ceasar” y den e caso aki pa
loke t’e ley di screening, tin cu duna reconocimento
na Marlon Sneek y esaki tambe t’e caso den e ley di
tabaco cu a wordo aproba diamars.
Ta for di 2014 a cuminsa traha pa trece cambio den
e ley aki, caminda e ‘initiatiefnemer’ Parlamentario
Diahuebs, 28 October 2021
Marlon Sneek, a traha riba preparacion di e ley aki,
a reuni cu stakeholders cu por wordo afecta cu e
ley aki manera entre otro dunando principalmente
casinonan, un periodo pa adapta n’e cambio di ley
aki prome cu el a bira oficial.
Awor un biaha mas a pasa man p’e ley di Marlon
Sneek, haci algun cambio cu realmente no ta cambio
y sin duna Ceasar loke ta di Ceasar.
Un di e cambionan ta hasta un tiki contradictorio,
ya cu mientras cu segun leynan local, un hoben ora
cu e cumpli 18 aña di edad ta wordo considera un
adulto, esta mayor di edad, awor e ley di tabaco ta
introduci un cambio caminda un hoben di 18 aña,
legalmente un adulto no por cumpra sigaria ya cu e
tin cu spera te cu su 21 aña ya cu den e ley di tabaco,
esey ta wordo considera e ley apto pa un persona
por cumpra sigaria.
Un hoben cu falta cu ley y presenta dilanti den Corte
den Prome Instancia, si e no tin 18 aña e lo wordo
trata y husga como un menor di edad, pero awor
cu e ley di tabaco, e mesun hoben adulto aki no ta
wordo considera un adulto, pero te cu su 21 aña e lo
ta un adulto p’e ley di tabaco nobo.
Sin duda tin cu duna elogio y felicita e mucha
homber di Dakota aki, conoci semper como un bon
trahador, un persona dedica na loke e ta haci, cu
awor dos concepto di ley importante cu otronan a
trata di ranca for di su reconocimento, esta Marlon
Sneek.