Page 6 - AM211028

6 AWEMainta .com Diahuebs, 28 October 2021

Entradanan hudicial y detencion

relaciona cu un caso di droga

Basta droga haya n’e cas

Banda cu tabata trafica droga
via lama desmantela. For di
basta tempo caba autoridad
tabata siguiendo un grupo cu
lo ta trafica droga via lama.

Ayera den oranan di mainta e
grupo aki lo a trece droga tera
y nan a wordo sigui pa Warda
Costa y na tera un team special
lo a sigui tur nan movecionnan.

Durante e investigacion ayera
mainta e team di Recherche
tabatin un bon pista di esnan
cu a trece droga riba boto,
nan a mara e boto na Colony.

E droga a wordo transporta
den un of mas auto y lo a hib’e
na un cas den Cayenastraat.

E team di Recherche a sigui e
grupo aki den Nieuweweg, nan a
para un van y a papia cu e homber.

Despues nan a dicidi di drenta e cas
den Cayenastraat, aki nan a haci un
buskeda den e cas y den dos auto cu
lo a wordo usa p’e sospechosonan.

Durante e buskeda nan a bin
topa cu un cantidad di droga, cu
probablemente lo a wordo treci
riba e boto. Tres sospechoso a
keda deteni den Cayenastraat.

Durante e entrada hudicial den
Cayenastraat, autoridad a drenta
un cas tambe na Mabon, den Caya
Bohi, aki nan lo a haci un buskeda.

E Team di Aresto cu a drenta e
cas lo a hiba e sospechosonan
Warda di Recherche.