Page 57 - AHATA

E barco crusero, AIDAperla cu casi 3.300 pasahero, cu 900 miembro di tripulacion ta
riba un viahe di 2 siman, y tabata planea pa mara na waf di St. Lucia riba Diasabra 1 di
Februari pa 8:00 am.

VIAHE DI 2 SIMAN:

E viahe aki di 2 siman, a cuminza Diahuebs 23 di Januari 2020, na waf di La Romana na
Republica Dominicana. E barco aki ta ricibi, y tambe baha tur pasaheronan na

Republica Dominicana.

Ora e itinerario aki a start, su prome bishita tabata Diasabra 25 di Januari 2020 unda el
a keda 10 ora mara na Waf di Aruba. Pero ningun instancia na Aruba no a haya ningun

informacion cu tabatin hende malo abordo di AIDAperla.

Despues di esey, e crusero a bishita Curacao (26 Januari), Bonaire (27 Januari),
Grenada (29 Januari), Barbados (30 Januari), y Grenadines (31 Januari). Durante e

dianan ey, tabatin pasahero cu a cuminza haya e infeccion di nan tracto respiratorio.

Prome cu e tabata yegando St. Lucia, autoridadnan a haya sa cu varios individuo
abordo di AIDAperla a cuminza mustra di tin infeccion cu nan pulmon. Esey a pone cu

nan a rechaza su entrada. E decision pues ta basa cu tabatin hopi pasahero malo
abordo.

“E decision aki a ser tuma como precaucion pa salud y seguridad humano,” segun un

boletin emiti pa Gobierno di St. Lucia, y a agrega: “Ta notable cu autoridadnan di salud
ningun momento a sospecha cu tin caso di e Novell Coronavirus (2019-nCoV) abordo di
e barco, y pesey kier a descarta categoricamente cualkier informe falso cu a cuminza
circula.”

St. Lucia mescos cu otro islanan den Caribe, a activa nan plan di contingencia pa
Coronavirus, y pesey nan ta monitor delaster un situacion sospechoso di hendenan cu
ta bira malo.

Como cu nan ta inclui nan Aeropuerto y Waf den e plan aki, nan ta haciendo vigilancia
activo eynan, pa asina ta sigur cu e puertonan importante aki ta keda habri.