Page 58 - AHATA

DOMINICA TAMBE:
Como cu St. Lucia a prohibi e barco di drenta nan Waf, e ora e crusero a keda core
rond y riba Diadomingo 2 Februari tabata prepara pa mara na waf di Roseau
(Dominica).

Sinembargo na Dominica tambe, Ministerio di Salud, Bienestar y Inversion Nobo, a
tuma decision cu eynan tampoco e barco crusero aki no mag di drenta.

“Basa riba e informacion disponible, y tumando na consideracion cu salud publico di
Dominica ta wordo treci na peligro, e decision a ser tuma cu e barco aki lo no mara mas
Diadomingo manera informa originalmente.

RESTO DI SIMAN:

Como cu dos isla a prohibi entrada di e barco, e chens ta grandi cu awe Dialuna e lo no
bay mara tampoco na Guadeloupe, y kizas Diamars tampoco na Antigua. E lo regresa

cu tur e pasaheronan bek pa nan baha na La Romana riba Diahuebs 6 di Februari
2020. Eynan si e ta obliga na drenta, como cu Republica Dominicana ta nan “home
port”.

Posiblemente aki na Republica Dominicana, e tripulantenan lo bay tin algun ora di
sesion severo di haci e boto limpi cu desinfectante di tur area publico, prome cu por
tuma pasaheronan nobo.

Y e pasaheronan riba e viahe actual, lo tin di bay haya kizas parcialmente placa bek, of
ya nan lo ta dunando nan “shipboard credit” pa gasta abordo, como recompensa cu nan
no ta bishitando cierto port of call.

E barco aki lo ta Diasabra 8 di Februari venidero den Waf di Aruba. Pero pa e ora ey, ya
caba tur e pasaheronan malo lo a baha caba na Republica Dominicana. Pues pa ora
nan yega Waf di Playa, nan lo tin 3.000 pasahero nobo. Toch sigur Departamento di
DVG lo bay ta vigilando e barconan aki di cerca.