Page 13 - MIN.SOC 21JAN,2016

AWEMainta Diahuebs, 21 Januari 2016 19

al E siman aki hoben di e di 7 grupo Formacion

exitoso Social (SVT-7) a finalisa e trayecto y a ricibi nan
i hobennan certificado despues di 12 luna di entrenamento
fisico y capacitacion profesional.
E obhetivo di e Sociaal Vormings Traject SVT ta
pa reforma y re-integra hobennan den sociedad
cu e mentalidad y capacidad necesario pa bira
ciudadanonan responsabel di nos comunidad.

Den su trayectoria desde 2012, Formacion Social
a percura pa mas di 70 hoben cu tabata riba un
direccion menos bon den bida, un di dos opor-
tunidad pa medio di un programa integral cu ta
pone atencion riba condicion fisico, motivacion
personal, conocemento di un profesion, guia
spiritual y tambe pasantia cu oportunidad pa
trabou.
Si bo ta un hoben of bo conoce un hoben mascu-
lino entre 18 pa 24 cu no a caba scol, no tin un
diploma of trabou actualmente y tin gana di duna
un cambio total na su bida pa ta mihor prepara y
cu mihor oportunidad pa un futuro mas positivo
y productivo, ta importante pa probecha di e
oportunidad aki.

Periodo di inscripcion p’e di 9 trayecto ta sera
dia 29 di januari proximo. Informacion tocante e
rekisitonan ta obtenibel na Bureau Sociale Vorm-
ing ubica na base militar na Savaneta. Mester
djis yega na entrada y puntra p’e oficina of su
Director Jessica Ras.
Formularionan di inscripcion ta obtenibel tambe
na Hulpbbestuurskantoor na Oranjestad of na
edificio di MFA Noord.
Hunto cu e formulario ta pidi pa entrega un copia
di ID valido. Si ta prefera, por yama e numbernan
522-5353 of 592-6160 of manda un email na
info.formacionsocial@gmail.com.

Tambe por haya un bon bista di e diferente ac-
tividadnan inclui den e programa riba e pagina
di Facebook cu yama Formacion Social.
Aki ta haya potret y video di gruponan anterior
caminda ta wak con e entrenamento fisico, cam-
pamento den rond di Aruba, cursonan di capaci-
tacion profesional y ceremonianan di certificado
ta hinca den otro.
E proceso di inscripcion y registracion ta inclui
e datonan personal di e hoben, un examinacion
medico y un entrevista.
Ta selecciona e 24 hobennan cu ta participa
den e siguiente grupo. E trayecto mes pa grupo
9 di Formacion Social ta inicia riba diamars 9 di
februari 2016.
Conscientemente directiva di Formacion Social
a scoge e fecha aki cu ta net despues di e tempo-
rada di Carnaval p’asina e hobennan interesa por
a sinti nan mas encurasha pa inscribi y participa
cu mas dedicacion.