Page 28 - AM240709

28 COMUNIDAD AWEMainta Diamars, 9 Juli 2024

Moneda Antiano ta despedi:

Homenahe n’e florin Antiano (NAf) cu un circulacion special

NA Hulanda, den e Koninklijke Nederlandse Munt
(KNM) na Houten, a tuma luga un evento special pa
despedi di e florin Antiano (NAf). Dia 4 di juli ultimo, a

tene e prome strike di un moneda conmemorativo di 5
florin cu e tema “Farewell NAf” (Ayó NAf). E moneda
di plata aki ta un homenahe na e historia monetario
di Antias Hulandes y ta luci tur e parhanan cu nos

a yega di stima riba nos papelnan di florin: Kolibri,
Flamingo, Pishika, Bannanero, y Chuchubi. Hunto cu e
parhanan, e moneda ta carga e palabranan di despe-
dida den diferente idioma: Vaarwel NAf (Hulandes),

Farewell NAf (Ingles) y Ayo NAf (Papiamento).

E moneda aki ta señala e fin di un epoca. Despues
di sirbi como moneda oficial pa mas cu 70 aña,

pasando door di seis, cinco y finalmente dos isla,
e florin Antiano (NAf) lo baha for di circulacion.
Entrante 31 di maart 2025, e lo wordo reemplasa
p’e florin Caribense, un capitulo nobo den e historia

monetario di e region.

Kico esaki ta nifica pa Aruba
Pa Aruba, e despedida di e florin Antiano ta un momento

pa reflexiona riba pasado. Na aña 1986, Aruba a
tuma e decision di separa for di e florin Antiano y a
introduci su propio moneda, e florin Arubano (AWG).
Maske Aruba ta comparti un historia monetario cu

Corsou y Sint Maarten, nos a forma nos propio
caminda riba tereno financiero pa casi 40 aña caba.
E introduccion di e moneda conmemorativo aki no
tin un impacto directo riba Aruba, pero e ta un opor-

tunidad pa recorda e lasonan historico cu nos tin cu
e otro islanan den Reino.

Un tiki mas di historia

E imagennan di e parhanan riba e moneda ta un
manera pa conecta e papelnan di placa cu e mone-
danan di NAf. Banda di e moneda conmemorativo, lo
traha tambe moneda regular di 5 florin cu lo bay den

circulacion pa publico por cumpra como un recuerdo
special.

E prome strike di e moneda a keda realisa pa Julian

Lopez Ramirez, Presidente di e Hunta di Supervision
di Banco Central di Corsou y Sint Maarten (CBCS),
den compania di Richard Doornbosch, Presidente di
CBCS y Albert Scheffers, un historiado monetario

y ex-curator di Museo di e Koninklijke Nederlandse
Munt.