Page 25 - AM240709

Diamars, 9 Juli 2024 AWEMainta COMUNIDAD 25

Haciendo historia y Inspirando un nacion

Rashida Schmidt a briya na Miss Supranational 2024

E isla di Aruba a vibra cu emocion y orguyo durante e
certamen di Miss Supranational 2024, unda Rashida
Schmidt, e prome representante di Aruba den e compe-

tencia prestigioso aki, a logra un hazaña impresionante.
Schmidt no solamente a clasifica den e top 24 final-
istanan, sino tambe a wordo corona como e Supra Model
of the Year pa region di Caribe, un honor grandi cu ta

refleha su beyesa, elegancia y carisma riba escenario
internacional.
E logro aki ta un victoria no solamente pa Rashida, pero pa
henter e comunidad Arubano. Den su propio palabranan,

comparti riba su rednan social, el a expresa e sentimento
di satisfaccion y gratitud pa e oportunidad di repre-
senta su isla natal: “Siendo den e top 24 ta un victoria
pa mi. Biniendo di un isla chikito, siendo e prome Miss

Supranational Aruba, y esaki siendo mi prome certamen,
mi tabata sa cu mi mester a pone e standard halto.” E
determinacion y perseverancia di Rashida ta un inspira-
cion p’e hobennan Arubano cu ta aspira pa cumpli nan

soñonan, demostrando cu cu dedicacion y esfuerso, tur
meta ta posibel.

E exito di Rashida Schmidt ta resalta e talento y potencial

cu Aruba tin pa ofrece na mundo. E presencia di Schmidt
den e certamen internacional aki ta un muestra di e
beyesa y diversidad cultural di nos isla, y ta habri porta
pa mas hoben Arubano por sigui su pasonan den futuro.

E logro aki tambe ta un oportunidad pa Aruba ricibi mas
atencion y reconocimento riba plataforma mundial, stim-
ulando turismo y desaroyo economico pa nos pais.

Mientras nos ta celebra e triunfo di Rashida, nos ta
reconoce tambe e otro candidatanan Caribense cu a
destaca den e competencia, manera Miss Curaçao, kende
a logra yega te final como e di cuater finalista, y Miss

Puerto Rico, cu a clasifica den e top 12. Nan participa-
cion ta un muestra di e talento y beyesa cu ta florece
den nos region, y ta inspira nos pa sigui trahando hunto
pa eleva e nomber di Caribe den e mundo di certamen di

beyesa.

Rashida Schmidt a demostra cu Aruba tin e capacidad di
competi na nivel internacional y cu nos hendenan tin e

talento y determinacion pa logra cosnan grandi. Su exito
ta un motibo di orguyo pa nos tur y un recordatorio cu
Aruba ta un isla chikito cu soñonan grandi. Nos ta spera
cu e logro aki ta e comienso di un trayectorio exitoso pa

Rashida y cu e lo sigui inspira y motiva nos comunidad pa
sigui luchando pa nos metanan y haci nos isla orguyoso.