Page 22 - AM240709

22 TENDENCIA AWEMainta
T EN D ENC I A
Saca probecho di bo espacio
Ideanan creativo pa diseño di camber chikito
NO tin diseño di camber chikito cu ta laf, sino idea cu poco
creatividad. Si bo tin poco meter, no duda pa lesa e nota aki
pasobra nos ta bay comparti algun opcion cu bo pa mehora
e aspecto di bo camber, sin importa con chikito e ta. E triki
ta pa optimalisa e espacio disponibel, scoge e mueble y e
obhetonan decorativo adecua y resalta e detayenan cu ta
duna bida y autenticidad na e tipo di cambernan aki.
Diseño di camber chikito: 5 idea creativo
E poblacion mundial ta sigui subi, mientras cu e disponib-
ilidad di espacio ta cada bes menos. P’esey, awendia ta
comun pa haya camber chikito, cual ta rekeri di idea grandi
y creativo pa saca e miho probecho di nan den termino di
diseño decorativo.
Esaki ta bo caso? Si ta asina, bo tin cu sa cu planificacion
ta tur cos ora ta trata di purba e diseñonan den camber
chikito, observa e espacio bashi y yen ta permiti e ideanan
flui. Anto, e prome cos cu bo mester haci ta midi henter e
area di ariba te abou, identifica si e blafon ta halto of no y sa
si tin e posibilidad pa dividi e espacio den varios nivel.
Di e manera aki, lo bo sa ki tipo di mueble ta e mihonan, si ta
cumbini mas pa cumpra nan of bestel nan na midi. Lo bo por
identifica, di forma lihe, si ta miho pa scoge un cama abou
of halto.
Prome cu nabega, tin cu lesa e mapa y analisa e ruta! Esaki
ta loke ta garantisa e exito di e diseño di bo camber chikito.
Aki bou, nos ta comparti algun idea cu bo.
1. Resalta e detayenan riba un background blanco
Ora ta trata di camber chikito, e variedad di colo cu bo scoge
pa e murayanan tin cu wordo bon pensa. Esaki ta debi cu e
tononan cu wordo uza por haci cu un espacio chikito mustra,
visualmente, mas grandi of, hasta, mas chikito. Bou di e
pensamento aki, bo tin cu sa cu ta e tononan cla ta esunnan
mas adecua pa añadi e meternan imaginario na e camber.
Particularmente, blanco ta e rey di colo neutral, cual ta añadi
profundidad na e espacio y, segun e teoria di colo, ta provee
un sensacion di paz, trankilidad cu no ta menos ora ta trata
di pasa gran parti di bo dia den un espacio reduci.
Asina ta, scoge pa verf e camber blanco y añadi toke di colo
Diamars, 9 Juli 2024
y briyo, for di e obhetonan decorativo. Por ehempel, agrega
e elementonan manera pochi di mata cu mata, paña di cama
cu figura colorido of un tapijt di tono vibrante.
2. Haci e cabes di cama e punto di atraccion
Papiando di añadi detaye chikito cu ta duna bida na un
camber chikito geverf blanco, nos ta haya e cabes di cama.
E elemento aki ta hopi util, pasobra e ta añadi comodidad
ora di bay drumi pa un descanso lihe of na momento di
studia. Hustamente, esaki ta un di e factornan cu por wordo
probecha pa añadi colo y converti’e den e punto di atencion.
Lo mas recomendabel ta pa bestel un structura na midi, di
dos of tres curpa, cu ta inclui balda, mesita di anochi y un
area pa warda cos.
Awo bon, si e camber di cua nos ta papia ta asina chikito
cu e ta stroba pa acomoda e idea aki, anto por scoge pa un
structura simpel y plat cu ta ocupa e minimo espacio posibel
den tur su dimensionnan. Hasta, un forma di gana centi-
meter ta pa verf e cabes di cama riba e muraya, kico bo ta
pensa?
3. Scoge p’e mueblenan di liña fini cu funcion doble Otro
di e ideanan creativo pa camber chikito cu nos tin pa bo,
ta inclui e uzo di mueble hopi fini, recht y nechi cu no ta
ocupa espacio vital. Entre tur e opcionnan disponibel tin e
mueblenan modular, cu ta wordo instala pega na e muray-
anan, loke ta garantisa cu no ta perde ni un centimeter, mien-
tras e ta permiti bo tin area specifico pa organisa y warda bo
pertenencianan.
→