Page 17 - AM240709

Diamars, 9 Juli 2024 AWEMainta DEPORTE 17

Semi-finalistanan pa Copa America ta conoci

ARGENTINA, Canada, Colombia y Uruguay
lo bay busca e pase pa e final di Copa America
2024.
Argentina, e campeonnan actual lo enfrenta e

debutantenan di Canada. No a spera pa Canada
a pasa e prome buelta, awo nan lo ta enfrentando
Argentina, despues di a gana Venezuela cu e
score di 4-3 den pinalti.

Colombia, e pais pa gana den e copa aki, a
enfrenta Panama den cuarto di final. Cu un wega
basta facil nan ta gana Panama 5-0. E nivel entre

e 2 paisnan tabata basta obvio. James, despues
di a no a wordo yama den e seleccion pa e ultimo
mundial, awe ta esun cu ta domina e wega di
Colombia y ta cuminsa orkestra e atakenan.

E ta lidera den asistencia y te hasta ta wordo
menciona cu e por bira e hungado di e torneo.

E ultimo partido di diasabra tabata entre Uruguay

y Brazil. Cu Vini riba banki, despues di a actua
basta infantil y egoista, ta ricibi carchi cora
durante nan partido contra di Colombia, Brazil
tabata basta zwak den nan atake nan. Esaki

tabata bisto durante full e partido. Di otro banda,
Uruguay, cu e gana pa demostra cu nan ta keda
peligroso den e mundo di futbol, a duna tur loke
tabata tin. Na di 74 minuut, mas preshona pa

Uruguay despues cu Nández ta ricibi un carchi
cora despues di un entrada basta pisa. E wega
ta termina na 0-0 ya manera boso sa, den Copa
America no tin extra tempo y ta bay directa-

mente den tiro di pinalti.

Cu e historia y experiencia cu Brazil tin, tabata
di spera cu nan lo pasa facil, pero Uruguay no

a keda intimida pa esaki y ta gana Brazil cu un
score di 4-2 den pinalti.
E weganan di semifinal ta programa pa diamars
9 di juli, Argentina contra di Canada mientras

diaranson 10 juli, Uruguay contra di Colombia.
Ambos partido ta 8or di anochi.