Page 20 - AM240709
P. 20
20 DEPORTE AWEMainta Diamars, 9 Juli 2024
John Cena ta anuncia su retiro for di lucha
profesional despues di temporada 2025
JOHN Cena, e bringado iconico cu a bira actor, a anuncia
su retiro for di lucha profesional despues di e temporada di
2025, marcando e fin di un carera ilustre di dos decada. Cena
a duna e noticia na un stadion yen di fanaticonan di WWE na
Toronto diasabra anochi, dunando un discurso sincero cu a
wordo ricibi cu un coro di ‘boo’ y decepcion di e multitud.
Den su discurso emocional, Cena a expresa su gratitud
profundo na su fanaticonan, bisando, “Masha danki pa
laga mi hunga den e cas cu boso a construi pa asina tanto
aña.” El a priminti un gira di despedida amplio cu ta conta
cu numeroso fecha y un partido final epico, sigurando e
fanaticonan cu e lo keda envolvi cu e frankisia di WWE cu a
catapult’e na fama.
Despues di su discurso, Cena a elabora riba su decision
durante un conferencia di prensa. El a comparti sincera-
mente cu e ta sinti’e fisicamente “na su fin,” pero a enfatisa
cu su amor pa e deporte ta keda y cu e tin plania pa keda Cena su carera den WWE ta marca pa su logronan remar-
conecta cu lucha den otro capacidadnan. cabel y personanan carismatico. E ta un campeon di WWE
di 16 biaha cu a haci su debut na cuminsamento di añanan
2000, birando un faborito di e fanaticonan cu su personahe
di “Doctor of Thuganomics”. E persona aki, caracterisa pa
batayanan di rap y un estilo distintivo cu ta conta cu cadena
di oro y un pechi patras, a captiva e publico y a establece
Cena como un figura prominente den lucha profesional.
Fuera di e ring di lucha, Cena a disfruta di un carera exitoso
di actuacion. El a hunga rolnan principal den peliculanan
manera “Blockers” y “The Suicide Squad,” y a haci varios
aparicion den e frankisia “Fast & Furious”. Mas reciente-
mente, Cena a protagonisa e thriller di comedia “Argylle” y
e sensacion di taquilla “Barbie.”
E anuncio di Cena ta marca e fin di un era pa WWE, pero
su herencia den e industria di deporte y entretenimento ta
firmemente sementa. Su transicion di superstrea di lucha pa
actor di Hollywood a demostra su versatilidad y apelacion
amplio, haciendo di dje un figura stima riba varios plata-
forma.
Segun Cena ta prepara pa su gira di despedida y partido
final, e fanaticonan por spera di por celebra e carera di un di
e streanan mas duradero y carismatico di WWE. A pesar di
a sali for di ring, Cena su influencia riba lucha profesional y
su conexion cu fanaticonan sin duda lo perdura pa añanan
binidero.
