Page 40 - KPA_Neat

Oficina di Propiedad Intelectual di Aruba a participa na tayer
regional riba “Customs & Anticounterfeiting Policies”

Monday, 26 June 2017 11:51
Comparti

Recientemente a tuma luga na Aruba e tayer cu a trata e tema di “Customs & Anticounterfeiting Policies”
cu a wordo organisa pa e asociacion di INTA.

INTA ta e abreviacion pa International Trademark Association cu ta un asociacion global di
propietarionan di marca y profesionalnan cu ta dedica nan mes na apoya marcanan y propiedad
intelectual cu tin relacion cu esaki. E fin ta pa proteha consumidonan y pa promove un comercio husto y
efectivo. Su Excelencia Minister di Asuntonan Economico y Telecomunicacion, Sr. Richard Arends a haci
acto di presencia y a duna inicio na e tayer. Den su disertacion Minister Arends a enfatisa cu e practica di
falsificacion por wordo considera igual cu labamento di placa y labamento di placa ta un acto castigabel.
Na final di su discurso e mandatario a desea tur participante hopi exito, expresando pa cada participante
haci e miho uzo di tur enseñansa y idea cu keda comparti durante e tayer. INTA mes como asociacion ta
kere firmemente cu paisnan mester traha hunto pa intercambia informacion y idea cu e meta pa elimina
tur menasa cu productonan falsifica ta representa.

Cu e meta pa traha y desaroya un plan di maneho pa promove un miho cooperacion entre Gobierno y
Comercio Industrial pa loke ta proteccion contra e fenomeno di falsificacion, ta organisa diferente tayer
di informacion di cual e comision di ‘anticounterfeiting’di INTA ta un area clave di e asociacion pa haci
esaki. E tayer a tuma luga den e sala di conferencia di Camara di Comercio di Aruba y a conta cu
presencia di representantenan di Cuerpo di Duana, Propiedad Intelectual, Departamento Contra
Terorismo, Crimen Organisa, Polis, Interpol y Abogadonan cu tin experticio riba e tema. Hunto cu
Aruba, a participa Corsou, Rep. Dominicana, Jamaica, Trinidad & Tobago, Barbados y representantenan
di marca procedente for di entre otro Panama y Venezuela. E representante di INTA den su presentacion
a duna ehempel di e casonan cu a tuma luga y cu ainda ta tumando luga y a splica cu ta importante pa
reforsa e contacto cu tur persona concerni pa amplia e conocemento riba e materia. Anterior na e tayer
Minister encarga cu Asuntonan Economico, Sr. Arends a reuni cu e representante di INTA. Na e
encuentro tambe a participa Sr. Robert Kelly, Director di Oficina di Propiedad Intelectual. E encuentro
tabata uno informativo riba e situacion di “Anticounterfeiting”, di cual Su Excelencia Minister tabata
sumamente interesa den e desaroyonan, primordialmente pa sondea e posibilidad pa cuminsa actua mas
efectivamente contra e actonan aki na Aruba.

Den e cuadro aki Minister Arends a vocifera su compromiso pa brinda tur cooperacion necesario pa
bringa e problematica. A keda subraya e importancia di cooperacion entre e departamentonan concerni,
pero tambe e contacto cu paisnan den region pa keda al tanto di e maneho y accion cu ta tuma luga. Pa
Oficina di Propiedad Intelectual di Aruba e tayer a resulta hopi fructifero, specialmente e oportunidad pa
crea lasonan estrecho cu esnan cu ta labora diariamente riba e tereno aki y cu ta confronta diferente caso.
Ta importante tambe pa comunidad ta consciente di e consecuencia cu falsificacion di marca y of