Page 45 - KPA_Neat

E boto tabata tin destinacion Puerto Escondido pa asina busca cinco pasahero cu a keda
pega na Venezuela y no por a haya avion. Ta cinco pasahero di Aruba.

E boto tabatin 33 pia y tin dos motor di 225 Horsepower cada uno. Nan tabata tin 15

minuut cu a sali y despues di tabata poco pazuid di Mangel Halto e boto a pega candela.
Banda di e motornan ta sospecha cu tabata tin un kortsluiting.

E intencion tabata di sali diasabra y bolbe mesun dia. Cu e botonan aki ta den un rato

ta yega Puerto Escondido. Ora cu e boto a pega candela, a bula na awa y a bay landa
pa un boto piscador di Aruba cu a tira cabuya. Mientrastanto a bati alarma mesora pa
kustwacht.

Segun esnan den boto, e yudanza a tarda pa yega. Botonan local tambe a Sali yuda.
Boto di Kustwacht y Boto di Polis a presenta. Na dado momento a yuda esnan cu tabata
den e boto El Patron.

Djey un di e botonan local cu a bay yuda tambe a daña. E boto aki mester a wordo
lastra treci tera pa e boto di Polis. E boto cu a kima no a sink. A logra lastra e boto
trece te na tera.

E dos motornan a scapa. E boto El Patron no ta sirbi mas. E balor di e boto ta core den
70 mil florin. E biahe di e pasaheronan cu mester a bolbe Aruba for di Puerto Escondido
a keda pega atrobe sin por a yega cu boto despues di no por a yega cu avion.
Importante ta cu tur hende ta bon.