Page 46 - KPA_Neat

Un auto color zilver a dal riba un taxi y a

sigui core bay dilanti Riu Antiyas

7 HORA PASA , 26 DI JUNI 2017 03:32
SECCION: INCIDENTE

Dialuna madruga durante patruya polis a bin topa un accidente cu net a caba di sosode dilanti
Riu Antiyas, mesora nan a baha pa atende. A bin resulta cu aki ta trata di un accidente hit and
run unda un auto color zilver bayendo nort tabata bini hopi duro y yegando na e birada a brake

pero debi na cu e caminda ta muha ela slip bay dal riba e taxi di direccion contrario y djey ela
sigui core bay. Debi na e dama chofer di e taxi a resulta herida. Na yegada di e ambulans nan a
atende e victima. Na momento di e accidente tabata tin algun turista tambe den e taxi pero nan
niun a resulta herida.

Polis a detene un ex cu lo a maltrata un

dama na Palm Beach den oranan di madruga

5 HORA PASA , 26 DI JUNI 2017 05:30
SECCION: INCIDENTE

Dialuna madruga a drenta informe di cu un ex a maltrata un dama na un adres na Palm Beach,
mesora a dirigi un patruya na e sitio. Na yegada di e patruya a bin compronde cu un ex a

presenta cerca e dama y a maltrat'e. Polis a haya e sospechoso den cercania y a logra detene.

Dama chofer a slip riba caminda muha y a

bay dal tras di un taxi na Palm Beach

8 HORA PASA , 26 DI JUNI 2017 02:57
SECCION: INCIDENTE

Dialuna madruga a drenta informe di un accidente cu hende herida na e cruzada "T" banda di
South Beach na Palm Beach, mesora a dirigi tanto polis como ambulans na e sitio. Na yegada
di e patruya ya ambulans tabata na e sitio pero afortunadamente ningun hende a resulta herida.
Pa locual ta e accidente mes ta cu un dama turista no a regula su velocidad, no a mantene

distancia, no a tene na cuenta cu e caminda muha y ora ela bay brake e auto no a para pero a
sigui slip bay dal tras di e taxi.