Page 76 - AHATA

Parlamentario Richard Arends – Gobierno A Usa

Parlamento Pa Desvia Atencion Pa Medidanan Na

Caminda

 Politica
- 19/02/2020

Ya mas cu mitar di luna di februari ta tras di lomba y ainda Parlamento no a haya e
leynan di e Reforma Fiscal ni tampoco presupuesto 2020. Ta for di prensa miembronan di
Parlamento a compronde cu esakinan lo wordo trata den luna di maart. Mientrastanto
pueblo y comercio ta sigui den un incertidumbre riba loke ta spera nan pa resto di aña.

“Sinembargo enbes cu Gobierno bin duna splicacion e embergadura di e 13 leynan cu
mester wordo cambia bou capa di Reforma Fiscal, Parlamento a opta pa yama un reunion
riba raportnan cu ta dos aña caba den lachi di Parlamento sin a invita Algemene
Rekenkamer – e autor di e estudionan aki – pa bin duna un splicacion riba nan.

Rekenkamer a conclui cu e suministro y maneho di contrato nan pa loke ta trata e
proyectonan PPP tabata na ordo, mientras cu e actual Minister encarga cu Finanza,
Xiomara Manduro a nenga di duna su comentario riba dje, e miembro di AVP, Richard
Arends a duna di conoce.

“Pa loke ta trata e proyectonan aki, Gobierno anterior a wordo guia den e proceso aki dor
di Rijkswaterstaat di Hulanda y PriceWaterhouse Coopers cu a lidera e transaccionnan
aki,” Parlamentario Arends a mustra.