Page 4 - Djaluna 18 yuni 2018.pdf

4 Djaluna 18 Yüni 2018
E ta riba merkado
lokal tambe

FDA ta
atvertí pa

produktonan

di Kellog’s
Honey Snacks

WILLEMSTAD.- E entidat
ku ta kuida kuminda i otro
produktonan na Merka
FDA a saka un atvertensia
pa uso di produktonan di
Kellog’s Honey Snacks ku
ta ser bendé na Kòrsou
tambe. Diferente pais di
Caribe a tuma medida pero
na Kòrsou no a bisa nada
ainda.
Medionan di Barbados a
informá ayera ku nan entidat
di konsumidó a atvertí
pa uso di e produktonan
aki. Den promé instansia
a papia di un “voluntary
recall” loke ta nifiká ku
ta pidi konsumidónan pa
tin koutela ku parti di e
produkto dependiendo e
fecha di produkshon. Awor
aki a ekspandé e produkto
pa tur Kellogg’s Honey
Snacks irespekto ki dia e ta
produsí.
E direktor interino di e
entidat di protekshon di
konsumidó na Barbados
a bisa ayera ku a konsehá
tur konsumidó pa no kome
e produkto aki, irespekto
tamaño di e pakete òf
fecha di e produkto.
Segun e entidat a bisa, ta
investigando un brote di
infekshon ku salmonella na
Merka ku por ta asosiá ku e
produkto produsí na Merka.
FDA a pidi tambe pa deshasí
di tur produkto maske ku
nan por keda un aña den
tienda. Tur produkto por ta
potenshalmente kontaminá,
asina FDA ta bisa.
Segun medionan na
Barbados, e paisnan
kaminda ta eksportá e
produkto no ta inkluí
Barbados so pero tambe
Sigui lesa pagina 42