Page 11 - AWEMAINTA

Diamars, 26 Juni 2018 AWEMainta 11

Accidente riba cruzada di Weststraat y Prof. Lorenzstraat

DIADOMINGO anochi, algo prome cu 10 or,
a sosode un accidente n’e crusada Weststraat
cu Prof. Lorenzstraat. Mesora a manda Polis,
Ambulance y Materiaalwagen n’e sitio. Pasobra
na prome instante a pensa cu lo tabatin hende
pega den auto.
Na yegada Polis ta topa un Nissan Fuga cu basta
daño material y un Pickup Isuzu gebolter. Ambos
victima tabata benta riba caminda banda di e
autonan.

N’e sitio a bin compronde cu e Nissan Fuga
tabata biniendo di pazuid y no a duna e pickup
cu tabata biniendo di pariba preferencia. E
impacto tabata fuerte y a pone e pickup a bolter.
Despues cu personal di ambulance a trata e dos
victimanan n’e sitio a transporta nan pa hospital
pa un tratamento mas profundo.