Page 32 - AWEMAINTA

32 AWEMainta Diaranson, 25 October 2017
Moda, Beyesa y algo mas

Tattoo pa lomba: Un trend hopi gusta den e damanan

MASKE cu e ta un parti di nos curpa cu masha poco nos sa
mira di nos mes, e lomba a bira un di e zonanan di mas solicita
pa hasi un tattoo.
For di e nek te n’e parti abou di e lomba, pasando n’e parti mas
p’atras di e schoudernan, e opcionnan ta casi infinito.

E ta un zona di nos curpa den cual por hasi tattoo tanto grandi
como chikito, pero tambe esakinan por ta hopi sexy pa un dama,
sin importa e zona di bo lomba cu bo escohe.
E parti central di e lomba ta un di e zonanan cu mas nos por mira
cu tattoo di diferente forma, pero casi semper horizontal.