Page 5 - lAYOUT NEW 1300 X 1920 JAN 27.2 chris.pdf
P. 5
05 LOCAL
DIARANSON 27 DI JANUARI 2021
CUATRO SITIO DI VACUNACION
CONTROLA DOOR DI HULANDA
Diamars e delegacion di Hulanda, cu
algun funcionario di RIVM, compaña
pa funcionarionan di Departamento di
Salud Publico di Aruba, a pasa na tur
e sitionan scogi door di gobierno pa
ehecuta e plan nacional di vacunacion
contra COVID-19.
Manera a divulga anteriormente, a scoge
4 localidad pa loke ta e parti di vacuna-
cion masal y cualnan ta: Club Don Bos-
co (Noord), Colegio EPI na Playa, Centro
Libertador Betico Croes na Santa Cruz
y Santa Teresita Center na San Nicolas.
E delegacion a yega Aruba dialuna y a
programa dos dia pa controla tur e pro-
cedura, for di momento cu e vacunanan
yega cu avion te ora cu duna e hende-
nan e vacuna y tur aspecto rond di dje.
Un di e motibonan cu a pasa na e difer-
ente sitionan tabata pa controla si nan
ta cumpli cu e rekisito di espacio, sigu- GERALD FRANCA, PRESIDENTE DI ASU ENCARGA CU COMPLEHO DEPORTIVO LIBERTADOR BETICO CROES NA STA CRUZ. E TA
ridad y higiena. UN DI E SITIONAN SCOGI DOOR DI GOBIERNO PA VACUNA PUEBLO DI ARUBA. AWE EL A PASA DEN UN INSPECCION.
Na Sta Cruz a topa cu presidente di
Aruba Sport Unie, Gerald Franca, kende
a splica cu nan a haya un peticion for di
gobierno pa coopera cu e operacion di
vacunacion nacional, esta pa haci uzo di
Compleho Deportivo Libertador Betico
Croes. ASU su directiva a bay di acuer-
do pa uzo di e compleho durante mas o
menos cinco luna.
Loke tabata masha importante, ta si tin
suficiente area pa circula, espacio pa e
persona sinta despues di haya e vacu-
na, e parti di limpiesa prome y despues
di cada dia di vacunacion. Tambe a exigi
cu tin suficiente di aspecto di siguridad.
Den e caso di e Compleho aki tin ca-
maranan di siguridad, pa proteccion di
e edificio, pero asina mes lo tin guardi-
anan di siguridad durante 24 ora pa dia.
Franca tabata presente pa duna e del-
egacion un recorido y contesta pre-
gunta cu por tin. Te ainda no ta conoci
kico ta decision di e delegacion,esta si
a duna aprobacion na e Plan di Vacuna-
cion di Aruba.
Tur cos ta programa pa e vacunanan
yega Aruba 15 di februari, pues tin sufi-
ciente tempo pa haci adaptacionnan si
ta necesario.
CASONAN ACTIVO TA BOU 400
Departamento di Salud Publico ta
anuncia e cantidad di casonan nobo di
COVID-19 a subi un tiki, mientras cu e
positivity rate a baha un tiki bou di resi-
dentenan cu a test.
Segun resumen di diamars 55 persona a
recupera, a registra un total di 26 caso
nobo di Covid-19, di cual 24 ta residen-
te y 2 no-residente. Cantidad total di
testnan ehecuta ayera na e diferente
localidadnan na Aruba, entre otro labo
ratorio di hospital, laboratorionan priva
y aeropuerto ta 730 test. ‘Positivity rate’
entre nos residentenan ta 11%.
Activo tin awo 362 caso, cantidad di
fayecido relaciona cu COVID-19 ta 57.
Edad promedio di esnan cu a fayece ta
64 aña.
Hospital ta informa cu tin un total di 19
persona interna di cual 10 ta den Cui-
do Intensivo y 9 riba unidad general di
covid.
