Page 103 - MIN JUS

Tin 4788 votador nobo naci entre 1995 cu 1999 cu a cumpli
18 aña y den total tin mas votador femenino cu masculino

Thursday, 06 July 2017 19:38
1

Comparti

Sharin Luydens hefe di Censo durante entrevista a splica tin un total di 33.943 hende homber y tin un total
di 36.808 hende muhe cu lo vota. E nobonan cu ta bay vota, papiando di e generacion cu a nace entre 1995
pa 1999 y nan ta un total di 4788 persona. Pero ta bay pone riba nan website, ta bay amplia esaki, cuanto
hende esakinan ta, naci na unda, manera cu a haci 4 aña pasa.

Ta bay pone diferente tabel pa mira e samenstelling di e kiezersregister. Si por bisa di e 70751 persona cu
tin derecho di voto, 50.238 a nace na Aruba. Menos hende cu derecho di voto Pa añanan largo a haci un
opschoning constantemente y tambe cu e proyecto di opschoning aki, Censo a logra haci e registro civil
limpi, pero logicamente e kiezersregister ta mara na e registro civil. For di e registro civil aki, ta draai
automaticamente e kiezersregister, cu ta hendenan Hulandes, inscribi den registro civil prome cu 5 di Juli y
dia 22 di September, tin 18 aña bay ariba. E kiezersregister aki ta bon pa splica, pa hende tin un
comprondemento di esaki, cada stembureau ta haya su uittreksel di kiezersregister, cada persona na cada
stembureau tin su volgnummer den e kiezersregister. A base di e kiezersregister aki ta haya un
oproepingskaart y esaki, hunto cu un medio di identificacion, e ora ta aparece den e kiezersregister pa por
vota na e urna.

Mirando e crecemento di e bevolking y mirando e cantidad di urna, cu tabata 59, a bira mucho chikito pa
acapara tanto hende, a amplia esaki cu 3 stembureau mas y tambe a shuffle na unda e personanan ta wordo
apunta per stemdistrict. Por ta bo distrito cu bo a vota 4 aña pasa, a cambia, pasobra a amplia e
stembureaunan, pa asina suavisa e drukte na cada stembureau. A pone un averahe. Ley ta perscribi cu por
ta un averahe di 1500 hende pa cada stembureau. Experiencia ta cu e ta mucho y pesey mes a bah’e na
maximo 1100 y pico te cu 1200 pa cada stembureau. Tur informacion aki, cada hende cada stembureau tin,
kico stembureau, adres di stembureau, tur ta bay ta disponibel riba e website di Censo www.censo.aw.