Page 47 - Extra

Djaweps 24 Mart 2016 47

SERU ORASHON KU
SANTU SAKRIFISIO

WILLEMSTAD.-
Fundashon Seru di Orashon
di Obispado di Willemstad
ta partisipá ku djadumingu
próksimo 27 di mart, Pasku
di Resurekshon pa 12’or
di mèrdia ta kuminsá ku
Santu Sakrifisio di Misa. Ban
selebrá Kristu Resusitá. E
Santu Sakrifisio di misa aki
ta keda presidí pa Monseñor
Luis Antonio Secco. Ta warda
tur fielnan ku a kustumbrá
pa asistí na Seru di Orashon.
E misanan lo bai sigui tur
djadumingu pa 12’or di
mèrdia i ta habrí pa tur
hende.

MUSEO TULA SERA
PA PUBLIKO

WILLEMSTAD.- Pa medio
di esaki Kas di Kultura ta
anunsiá ku djaweps 24 di
mart Museo Tula, situá
na Lanthùis Knip, lo
ta será parti mainta, en
konekshon ku un dia di
estudio. E lo ta habrí atrobe
di 12.30 pa 15.30 pa ofresé
servisio i tratu dushi ku
semper bo a kustumá kuné.
Kas di Kultura ta gradisí
p’e komprenshon i ta pidi
su diskulpa pa kualke
inkumbinensha.

Kontinuashon di pag 15
SERVISIO VETERINARIO

baha ku penshun.
Pa diferente motibu, bon
konosí den e aparato públiko
a dura un eternidat promé ku
por a start e trámitenan pa
remplasá e kùrmesternan
ku a bai ku penshun i yena
e puestonan vakante ku
ta di vital importansha
pa konsumo diario di
poblashon. Finalmente
tin awor aki un tim di tres
kùrmester ku lo keda ampliá
otro luna ku e di kuater
keurmeester i e ora ei por
papia di un unidat kompletu
ku por hasi e trabou manera
ta spera di nan i di Servisio
Veterinario dr. Dwarkasingh
a informá na prensa. Ku
un tim kompletu por tin
un régimen di trabou di
kùrmentu di produktonan
di konsumo muchu mas
aktivo, esaki na bienestar dje
konsumidó e hefe di Servisio
Veterinario a indiká.
Ta bon pa splika aki ku
tin diferente servisio i/o
entidat mas di gobièrnu di
Kòrsou ku ta konfrontando
situashonnan similar ku
puestonan vakante ainda sin
por haña profeshonalnan pa
bin yena e puestonan i hasi
e trabou nesesario.