Page 48 - Extra

48 Djaweps 24 Mart 2016

...Segun estudio nobo... sosega na pas

BON NOTISIA PA TRATAMENTU DI
KANSER DI PECHU
WILLEMSTAD.- Siman
ta sera ku un informashon
positivo pa esnan ku ta
sufri di kanser di pechu.
Hasta ekspertonan ta
sorprendé pa e sistema
nobo ku a desaroyá i ku
a anunsiá resientemente.
Segun e informashon,
sientífikonan a desaroyá
un manera nobo pa hinka
e remedi di kimoterapia
direktamente den e sèlnan
di kanser loke ta pèrmití
e remedi yega i mata
tumornan ku ta difísil
pa trata. E informashon
ta duna speransa na
miónes di hende muhé
ku tin kanser terminal i
metastátiko (kanser ku a
plama).
E sientífikonan a
bisa ku despues ku a
usa e tratamentu nobo
riba raton, e animalnan
rekuperá i nan a keda liber
di kanser pa un periodo di
8 luna ku den bida di un
hende muhé ta ekivalente
na 28 aña. E sientífikonan
merikano ku a traha riba
e sistema a bisa ku maske
resultá ku ta un parti so di
e eksperimentu ta eksitoso
pa hende, e téknika nobo
lo transformá e forma
ku ta trata kanser. “Ami
nunka lo krea espektativa
falsu pa miónes di
pashènt ku ta warda un
kura pero e informashon
ta asombroso”, asina
presidente di Houston
Methodist Research
Institute na Texas, Mauro
Ferrari a bisa e siman
aki. Su remarkenan a sali
den e revista prestigioso
Nature Biotechnology. Dr.
Ferrari ta speshalisá den
kanser metastátiko ku ta
kanser ku a plama for di e
pechu bai otro partidonan
di kurpa manera pulmon,
higra i wesu. Awor aki
un tumor primario den
pechu por lo general no
ta fatal pero e malesa ta
bira mortal na momentu
ku tumornan sekundario
desaroyá i plama.
Den sistema
kovenshonal di tratamentu
ku kimoterapia, e remedi
tin difikultat pa yega na
tumornan ku ta skondí leu
aya den e pulmon òf higra.
Ora e droga yega mes, tin
riesgo ku e sèlnan a bira
resistente pa tratamentu.
Dr. Ferrari sinembargo a
desaroyá un método úniko
ku ta surpasá e defensanan
aki, i potenshalmente ta

Sigui lesa pagina 53