Page 36 - KPA 25 March'15

cu tin conocir ta biba na Mei Veld unda autoridad a drenta diasabra anochi.
Parce cu eynan a haya e pasaporte di Urich Pardo pero segun e mama e no tin di haber cu e
asesinato. Pa colmo e ta amigo di tur esnan cu conoce e victima y e mes conoce e victima tambe
cu a wordo mata. Nan ta brother. E mama no ta kere cu amigonan ta mata otro. Ta un
sospechoso e ta. Mientrastanto rond di e cas na Mandolinstraat ta mirando movecionnan
anochi laat y marduga. E bisiñanan den e area ta den alerta y ta obesrvando tur e movecionnan
straño aki. E mama ta preocupa cu e cosnan aki pasobra e no kier bira victima di algo cu nan
no tin di haber cune pa motibo di tumamento di cualkier venganza. Tin mas famia ta biba den
cas y nan no ta desea pa algo malo sosode pasobra nan ta inocente den henter e asunto aki.
Autoridad ta na altura di e cosnan straño den e barrio y bisiñannan ta keda den alerta aunke
poco spanta pa cosnan cu por pasa mirando e tension cu tin den e barrio. Ta spera cu e caso aki
wordo soluciona pronto y asina e berdad sali rond di e morto di Lalo Webb. Ta deseanan forza
y duna e espacio pa autoridad por haci nan trabou. Nan tur ta mama y nan sa ki dolor cada
mama ta pasando aden e momentonan aki.

http://www.24ora.com/policial-mainmenu-8/93333-mama-di-urich-pardo-preocupa-cu-movecionnan-
strano-den-mandolinstraat

Falta di atencion den trafico a pone cu dama a dal su
auto tras di un pickup

· Mar 24th, 2015
· Policial, Splash

Dialuna merdia riba Caya Betico Croes altura di Cayena Mall ta sucede un accidente den trafico caminda un auto a
dal tras di otro. Patruya di trafico a acudi na e sitio y aki a tuma nota di un chevrolet optra pega tras di un pickup
hilux. Atencion den trafico y mantene distancia a hunga un rol, e optra a keda full kibra dilanti pero ningun persona a
resulta herida.

http://masnoticia.com/falta-di-atencion-den-trafico-pone-cu-dama-dal-su-auto-tras-di-un-pickup/