Page 37 - KPA 25 March'15

Ta detene 4 empleado di e aerolinea Laser cu a sconde
cocaina den avion

· Mar 24th, 2015
· Internacional

Ministerio Publico a logra wanta cuatro empleado di e aerolinea Laser y un agende di siguridad di e empresa
VeneAVSec, kendenan a keda deteni siman pasa a wordo gara, tras di e incautacion di shete panel di cocaina den
un vuelo di e compania aereo cu tabata tin como destino Aruba.
Den e audiencia di presentacion, fiscalnan y fiscalnan auxiliar di e estado Vargas Jeilan Sandoval y Joycemar
Garcia, respectivamente, a imputa e inspector Pedro Delgado, e supervisor Franklin Viloria y e tecniconan
aeronautico (mecanico) Rauger Perez y Carlos Verherl, mescos cu e agente di siguridad Yeffersson Romero, pa e
presunta comision di e delitonan di trafico di substancianan prohibi y psicotropico den e modalidad di transporte y
asociacion pa comete un crimen.
E delitonan referi a keda premira y sanciona den e leynan organico di Droga y contra e Delincuencia Organisa y
Financiamento na Terorismo.
Un biaha evalua e elemtonan di conviccion presenta y dilanti e solicitud di Ministerio Publico, e di 4to tribunal di
Control di e hurisdiccion a dicta medida privativo di libertad contra e cinco hombernan, kendenan lo permanece cera
den e Internado Hudivial Rodeo III, ubica den e estado di Miranda.
Diaranson ultimo, dia 18 di Maart, un agente di siguridad di turno di e mainta, a realisa un chekeo rutinario di e avion
prome cu el a bay su destino, debi cu e aeronave a pasa e anochi den e terminal aereo.
Durante e revision, e funcionario a haya dentro di un baño e evidencia cu tabata pisa ocho kilo cu 270 gram di e
droga menciona.
Una bes notifica e situacion, Ministerio Publico a coordina e diligencianan di investigacion cu e efectivonan di
Guardia Nacional Boliviariana a practica, cu a conduci na detencion di e sospechosonan.
Fuente: Globovision

http://masnoticia.com/ta-detene-4-empleado-di-e-aerolinea-laster-cu-a-sconde-cocaina-den-avion/

Polis a train DIMAS pa detecta documento falsifica

· Mar 24th, 2015
· Local

Despues cu Koninklijke Marechausse a entrena “trainers” di diferente departamentonan di Gobierno y a ahusta e
material di les pa Aruba, a duna den luna di januari 2015 e prome les di ‘Documentenherkenning Caribisch Gebied’
(CarDoc) na un grupo di funcionarionan publico. Henter e “front office” di DIMAS a ricibi training den con ta controla
documentonan y señala si un documento oficial ta falso of falsifica.

DIMAS ta felicita su personal cu a finalisa e curso aki cu exito y ta gradici Politie Opleidingsinstituut y su ekipo di
facilitadonan pa e training. DIMAS ta contento cu awor su personal ta miho ekipa y tin mas conocemento y ta
aplicando esaki tambe caba den e trabounan diario. Adhunto un potret di e entrega di certificado.