Page 44 - ATA

ATA tin cuater punto di midicion

11 September, 2017
0

E tema di turismo semper ta keda uno di discucion. Hopi hende no ta contento
cu e cifranan pa loke ta e cantidad di bishitantenan cu ta bin Aruba. No ta mira
e turista mas manera antes. Segun CEO di ATA Sui Generis, Ronella Tjin Asjoe-

Croes, nan ta midi nan mes a base di indicadornan nacional. Bao di cada un di
eseynan tambe tin diferente punto di midicion den ATA. Na final di dia, tur

hende ta responsabel pa nan area. Nan tambe tin metanan pa cumpli cun’e, pa
asina por logra e logro total cu ta e logro nacional pa Aruba su turismo.

Si cuminsa pa contesta e pregunta, door di simplemente wak, ta 4 cos ta midi.
Cuater cos Gobierno tin den su maneho, cuater cos cu ATA ta raporta a base

continuo. Ta e cantidad di bishitante cu ta keda importante, ta e ingreso por
medio di turismo, cu ta wordo registra door di Banco Central. E di tres punto ta
Revenue per Available room. Entrada pa camber di hotel, cual ta algo masha

peculiar, pero a dicidi cu esaki ta un midicion nacional pa exito di turismo of no.
Di cuater ta cantidad di bishitante crucero, cu tambe ta un meta y un obhetivo

riba su mes.
Bao di cada un di e cuaternan aki tin un cantidad di otro cosnan cu ta midi.

Si wak e cuaternan aki, por mira cu den e ultimo periodo di 2011, pa 2016, un