Page 14 - MIN VOS 9 DEC 2015

Minister Alex Schwengle: Orguyoso cu Parlamento a aproba e
“Kaderwet”
Tuesday, 08 December 2015 21:11
Comparti

E calidad di bida di nos grandinan ta un di e factornan principal cu a conduci na diseño di e “Ley pa Nos
Grandinan”, segun Minister dr. Alex Schwengle,

kende ta encarga cu e carteranan di salubridad publico, deporte y cuido di nos grandinan. Despues di un
sesion intensivo den Parlamento dialuna, e mandatario a sinti’e honra pa, cu hopi placer, por ta den e
posicion pa anuncia cu a aproba e “kaderwet” den Parlamento e mesun atardi.

E ley, cu ta considera uno historico, ta stipula e “grenzen” y e rekisitonan minimo cu e “veld” di cuido di
nos grandinan mester tene cuenta cun’e. E profesionalnan y organisacionnan cu ta activo riba e tereno aki
ta esunnan cu ta participa na duna contenido na e ley. Casnan y instancianan cu tin e cuido di nos
grandinan bao nan responsabilidad lo wordo controla pa Gobierno y Inspeccion di Salud Publico pa cu
cumplimento cu e ley. E casnan di cuido y instancianan lo traha hunto pa bin na e normanan minimo di
calidad y instrumentonan cu lo uza pa midi y controla e calidad minimo cu mester brinda nan nos
comunidad.

Minister Schwengle a remarca cu, contrario na loke oposicion a expresa, e ley aki no mester di 20
“landsbesluit” pa dun’e contenido, pero ta mira cu probablemente dos “landsbesluit” mes ta suficiente
como e fundeshi pa cuminsa ehecuta e ley. Lo stipula puntonan concreto cu ta wordo palabra adelanta, tur
hende lo ta bon na altura di tur loke nan mester tene nan mes na dje y lo wordo controla p’e, sea ta un cas
di cuido priva of uno cu ta pertenece na un instancia.

Minister Schwengle a subraya cu e ley ta esencial pa traha riba dje “awo”, como e necesidad pa bon cuido
pa 60-plussers den nos comunidad ta sigui crece tur dia. Ta un hecho cu e cantidad di cuido mester
aumenta, y esaki ta traduci den e aumento tambe di e cantidad di placa cu ta wordo inverti den cuido.

Loke ni e Minister ni “Plataforma pa Nos Grandinan”, no por duna ningun informacion tocante di dje
ainda ta e fondonan cu mester wordo inverti y kico lo mester pidi extra riba presupuesto pa ehecuta e ley.
Ta logico si cu lo mester bin un aumento di inversion den e segmento aki di e comunidad.

E plataforma ta reuniendo for di september riba e ley pa cual e “Ministeriele beschikking” a wordo skirbi
na cuminsamento di 2015 caba. SABA y Wit Gele Kruis ta entre e stakeholdernan cu representacion den e
plataforma.

Un di e tareanan hopi importante cu tin cu tuma luga awo ta e registracion di e “zorgvraag” (peticion pa
cuido/necesidad pa cuido) y e zorgaanbod (kico tin disponibel na cuido caba). Mester finalisa e maneho
tambe. Esaki ta puntonan cu e plataforma ta trahando riba dje y den transcurso di e planning y desaroyo
di un strategia tambe lo haya miho bista riba e gastonan y registracion di e inversion necesario.

E proceso y desaroyo ta bay segun diferente paso, tanto pa cu su planning y e implementacion di e