Page 15 - MIN VOS 9 DEC 2015

ideanan y strategia, Minister Schwengle a bisa, añadiendo cu cosnan pues no ta bay cambia “1, 2, 3”.

E titular di cuido di nos grandinan a bisa cu e ta di acuerdo sigur cu un di e puntonan cu parlamento a
stipula, esta cu mester bin un sesion un biaha pa aña unda lo duna un update na parlamento di tur loke ta
tumando luga riba e tereno menciona. El a agrega cu anteriormente e ley tabata stipula un sesion cu lo
tuma luga un biaha cada cinco aña, pero e tambe ta haya un biaha pa aña ta miho y e lo cumpli cu e
exigencia aki sigur y lo bolbe Parlamento pa cumpli cu e obhetivo aki fin di 2015.

E presupuesto ta un punto principal pa haci di e proyecto aki uno exitoso. No por duna specificacion
ainda, pero logico ta cu mester pensa cu si ta exigi mas calidad, mester duna training, mester di mas
hende studia y kisas hasta mas aparato, e mandatario a splica, esakinan ta trece cierto gastonan cu nan.
Parlamento den su representacion di pueblo di Aruba lo bay trata e situacion aki y lo por skirbi un
amienda y sosten’e und ta duna e proyecto aki “top priority” y cu mester “busca” placa p’e. E poder ta keda
nan parlamento y esaki ta logico como un parti di e proceso di democracia, e minister a agrega.

E punto di salida di tin un democracia tambe tabata e base pa a scoge pa un “kaderwet” y no un ley unda
tur cos ta stipula y mester wordo sigui “al pie de la letra”, y si no por cada biaha mester bolbe pasa den
cambionan pa medio di henter un proceso nobo, y largo cu ta dura hopi, pa yega parlamento pa ricibi
aprobacion.

Normanan di cuido por varia di aña pa aña, tin desaroyonan nobo, exigencianan nobo, cambionan cu
mester tuma luga, y mester tin e flexibilidad pa haci cambio di un aña p’e otro. E comision cu a traha riba
e prome investigacion na 2010 a bin di e “veld” y ta expertonan den nan area, Minister Schwengle a splica.
Loke si a determina ta cua gruponan no por forma parti di e comision pasobra lo por tin conflicto di
interes. Aunke SABA y e casnan di cuido no ta forma parti di e comision inicial aki, nan tabata wordo
informa si encuanto di desaroyonan.

Minister dr. Alex Schwengle a splica tambe cu ta trahando riba e asina yama National Health Accounts
como cu e ultimo a wordo traha na 2007. For di e tempo ey no ta existi un bista completo y detaya di e
gastonan di cuido, excepto pa esunnan cu AZV tin registra. AZV ta duna cuenta di tur su bukinan pero
riba e resto no tin suficiente “grip”. Loke Gobierno mester sa y lo haya sa pronto via di un tasforce
consistiendo di AZV, Centraal Bureau Statistiek y Dienst Volksgezondheid, ta con e placa disponibel ta
wordo inverti y kisas lo por haci diferente cambio pa aumenta e eficiencia den e inversion di fondonan.
Asina lo determina tambe si mester bay parlamento y pidi pa mas placa.

Finalisando Minister Schwengle a splica cu tin dialogo, tin combersacionnan andando y ta trahando
hunto pa adresa e preocupacion di fondonan cu oposicion a vocifera, cu tambe ta un preocupacion di dje
mes tambe.

http://www.24ora.com/politica-mainmenu-18/102990-minister-alex-schwengle-orguyoso-cu-

parlamento-a-aproba-e-kaderwet