Page 62 - MIN ON 17 NOV 2015

DIAMARS 17 NOVEMBER 2015 DIARIO
Resultadonan di e investigacion mas grandi haci na Aruba relaciona cu e uso di Facebook den Marketing
“Facebook Customer Intelligence Summit” diabierna
awor na Universidad di Aruba
ORANJESTAD (AAN):
Diabierna awor 20 di
November, di 3 pm - 5 pm, na
Universidad di Aruba ta bay
tuma lugar e prome “Facebook
Customer Intelligence
Summit”. Durante e evento
aki lo revela e resultadonan
y aspectonan mas importante
cu a sali afo for di e
investigacion mas grandi haci
na Aruba relaciona cu e uso di
Facebook y su influencia den e
decisionnan di compra.
E investigacion aki ta wordo
presenta door di e expertonan
Guido Picus, Marketing
Director y Co-Fundador di
Expandeer y Robert Anjie,
Fundador y CEO di Touchpoint.
E trabao aki a dura mas di 4
luna durante di cual a analiza
diferente aspecto cu ta clave
pa e empresarionan arubiano
relaciona cu e factornan cu
PAGINA 15
ta influencia e decision di
compra di nan seguidornan.
Lo analiza casonan real
tocante e diferente “Facebook
Strategies” y e comportacion
di e usuarionan local.
Un total di 645 persona a
forma parti di e investigacion
aki representando tur edad.
E resultadonan lo yuda e
publico presente na diseña un
mihor strategia di mercado
logrando asina alcanza miles
di fans, kendenan tin un chens
hopi grandi di bira clientenan
nobo.
E datonan cu lo wordo
comparti ta util pa
studiantenan, empresarionan
nobo y doñonan di compania
estableci caba cu kier haci di
nan strategianan di mercadeo
digital un exito.
E “Facebook Customer
Intelligence Summit” ta
GRATIS, pero pa bo sigura bo
lugar mester registra prome
pa medio di e siguiente link:
https://goo.gl/42FLZS
Registra awe mes na e
interesante evento aki y
haya sa mas con pa atrae bo
clientenan haciendo uso di
e Media Social mas usa na
Aruba. E “Facebook Customer
Intelligence Summit” ta
diabierna awor di 3pm - 5
pm. Lo tin un “Wine & hors-
d’oeuvre after party” entre 4
pm - 5 pm. E interes ta hopi
grandi. No perde.